Popular Bible Verses from THUFINGTE 3

Share

I thinlung zawng zawngin LALPA ring la, Nangma hriatnaah innghat suh; I kawng zawng zawngah amah hre reng la, I kawngte chu a kawhhmuh zêl ang che.

Mahni ngaihin intifing suh la; LALPA chu ṭih la, sual kalsan rawh.

I sumin LALPA chawimawi la, I thil lo pung hmasa ber zawng zawngte nên; Tichuan, i buh in chu a lo khat liam ang a, I sâwrkhur chu uain tharin a luang liam ang.

Khawngaihna leh thutak chuan hnuchhawn che suh se; I nghâwngah zem tlat la, I thinlung phêkah ziak rawh.

Ka fapa, LALPA thununna che ngainêp suh la, A zilhhauna che ning hek suh. LALPA chuan a hmangaihte chu a zilhhau ṭhîn a ni, Pain fa a lawm apiangte a zilhhau ṭhîn ang hian.

Ka fapa, ka dân chu theihnghilh suh la, I thinlungin ka thupêkte chu zâwm reng zâwk rawh se; Dam ni leh kum te, Thlamuanna te a pêk belhchhah dâwn che nia.

Finna hmu chhuaktu chu a nihlawh a, Hriat thiamna hmu chhuaktu pawh. Tangkaraw peipun aiin a peipun chu a ṭha zâwk si a, A hlêp pawh rangkachak ṭha mi aiin. Lunghlu sen mi aiin a hlû a; Thil i duhthusâm theih ang zawng zawng pawhin a hen lo.

A phute tân ṭhatna ui suh, I kutah tih theihna a awm phawt si chuan.

LALPA chuan finnain leilung a din a, Hriatnain vânte a tinghet a