Popular Bible Verses from THUFINGTE 2

Share

LALPA chuan finna a pe ṭhîn a, A kâ aṭang chuan finna leh hriat thiamna a lo chhuak ṭhîn a ni

Ka fapa, ka thute i dawna, Ka thupêkte i khâwl khâwma, Finna lama i beng i chhita, I thinlung hriatna lam atân i pêk chuan; A ni, hriatna i auhva, Hriat thiam theihna pawh i auh chuan; Tangkarua anga i zawna, Ro phûm rûk anga i zawn chuan; LALPA ṭih nachâng i lo hria ang a, Pathian hriatna chu i chhar chhuak ang.

Mi tluangte tân finna dik a chhêk khâwm ṭhîn a, Rinawm taka awm ṭhînte tân phaw a ni; Rorêlna kawngte a vêna, A mi thianghlimte kawng a vawn ṭhat theih nân.

Mi tluangte chu leilungah hian an chêng ang a, Ṭha famkimte chu chutah chuan an awm reng ang. Mi suaksualte erawh chu leilung ata tihboral an ni ang a, Vervêk taka titute chu tihboral phiar an ni ang.

Hmeichhe sual lakah chuan a chhan ang che, Ram dang mi, kam thluma thlêmtu che lakah; A tleirâwl lai ṭhian kalsana, A Pathian thuthlung theihnghilhtu lak ata chu.