Popular Bible Verses from THUFINGTE 11

Share

Mi thilphal nunna chu tihthauvin a awm a, Tui leih ṭhîntu chuan mahni pawh a inleih a ni.

Sem darh chu pun lehzualna a ni a, Mamawh tâwk aliam kawmpui chu tlâkranna a ni.

Chapona a lo awmin mualphona a lo awm a, Inngaitlâwmte hnênah chuan finna a awm.

Inhruaina fing awm lohnaah chuan mite an tlu ṭhîn a, Remruat thiam tamnaah himna a awm.

Mi fel rah chu nunna thing a ni a, Mi fing chuan mi rilru a hneh ṭhîn.

Mi kamtam tei ruai mi chuan thurûkte a tilang a, Mi rilru rinawm nei mi chuan thil a thup ṭhîn.

Zahngai thei mi chuan ama nunna atâna ṭha a ti ṭhîn a, Mi nunrâwng erawh chuan ama tisa buaina a thlen ṭhîn.

A sum ring mi chu a vuai ang a, Mi fel erawh chu hnim angin a duah ang.

Thinur ni chuan sum leh paiin ṭangkaina a nei lo vang a, Felna erawh chuan thihna ata a chhan chhuak ang.

Mi fel rilru ṭhatna chuan anmahni a hruai ang a, Mi vervêkte luhlulna erawh chuan anmahni a tiboral ang.

Hmeichhe hmêl ṭha, ngaihruat thiamna nei lo chu, Vawk hnâra rangkachak khâng vuah ang a ni.

Bûkna dik lo hi LALPA mit hmuhin thil tenawm a ni a, Khîn dik chiah erawh chu a lâwm zâwng a ni.