Popular Bible Verses from THUFINGTE 10

Share

LALPA malsâwmna chuan a tihausa ṭhîn a, Lungngaihna a belhchhah ṭhîn lo.

Thu tam takah chuan bawhchhiatna a awm ṭhîn a, A ka sûm thei mi erawh chuan fing takin a ti ṭhîn.

Huatnain inhauna a chawk chhuak a, Hmangaihna erawh chuan bawhchhiatna zawng zawng a khuh ṭhîn.

Kut dâwngdah chuan retheihna a thlen ṭhîn a, Mi taima kut erawh chuan hausakna a thlen ṭhîn.

Thununna pawm chu nunna kawngah a awm a, Zilhhauna hawisantu erawh chuan a tisual ṭhîn.

Ngîl taka kal chu muanawm takin a kal ṭhîn a, A kawng tikhawlotu erawh chu hriat chhuahin a awm ang.

LALPA ṭihna chuan dam chhûng ni a tisei a; Nimahsela, mi suaksual kumte chu tihtawi a ni ang.

LALPA chuan mi fel nunna chu rilṭâm a phal lo vang a, Mi suaksualte duhthusâm erawh chu a paih bosak ṭhîn.

Ṭhâwngaleivir a lo virin mi suaksual chu a boral a, Mi fel erawh chu chatuan lungphûm a ni.