Popular Bible Verses from Matthaia 8

Share

Tin, ani chuan an hnênah, “Rin tlêmte u, engah nge in hlauh?” a ti a. Chumi hnuah chuan a tho va, thlite leh dîl chu a hau va; tin, a lo reh ta ṭhuap mai a.

Tin, sipai za hotu chuan, “Lalpa, ka in chhûng i luhna tlâk a ni lo ve; thu chauh sawi la, ka naupang a dam mai ang.

Tin, Isuan chûng thu chu a hriatin mak a ti hle a, a zuitute hnênah chuan, “Tihtak meuhvin ka hrilh a che u, Israel-te zîngah pawh heti êma rinna nasa hi ka hmu lo.

Tin, Isuan sipai za hotu hnênah chuan, “Kal tawh rawh, i rin angin i chungah lo thleng rawh se,” a ti a. Tichuan, naupang chu chumi dâr ngeiah chuan a lo dam ta a.

Tin, mite chuan mak an ti hle a, “He mi hi mi eng nge a nih, thli leh dîl lam pawhin a thu an âwih hi?” an ti a.