Popular Bible Verses from Matthaia 7

Share

Dîl rawh u, tichuan, an pe ang che u; zawng rawh u, tichuan, in hmu ang; kik rawh u, tichuan, an hawnsak ang che u

tu pawh a dîl apiang chuan an hmu ṭhîn a; tu pawh a zawng chuan an hmu ṭhîn a; tu pawh a kik chu an hawnsak dâwn a ni.

Chutichuan, mi tin hêng ka thu hi hriaa zâwm apiang chu, mi fing, lungpui chunga in satu nên tehkhin tûr a ni.

Chutichuan, thil engkim miin in chunga an tiha in duh tûr ang apiang chu, mi chungah pawh ti ve rawh u; chu chu dân thu leh zâwlneite thu a ni rêng si a.

nunnaa kalna kawngka chu a zîm a, a kawng pawh a chêp bawk a, a hmutute pawh tlêm tê an ni.

Kawngka zîmah chuan lût rawh u; boralnaa kalna kawngka chu a zau va, a kawng pawh a zau bawk a, chumi lama lût chu tam pawh an tam hle a ni

Chutichuan, nangni mi sual mahin in fate thil ṭha pêk nachâng in hriat chuan, in Pa vâna mi chuan a dîltute chu thil ṭha a pe zâwk êm êm dâwn lo vem ni?

Sawisêl suh u, sawisêla in awm loh nân. In sawisêl ang bawkin an sawisêl ang che ua, in tehna ngai bawkin an tehsak leh ang che u.

Tin, mi tin, hêng ka thu hi hriaa zâwm lo apiang chu, mi â, ṭiauvut chung maia in satu nên tehkhin tûr a ni.

Tin, engati nge mahni mita khanchhuk awm chu ngaihtuah si lovin, i unau mita hmawlh tê tak tê awm chu i hmuh ni? Engtin nge i unau hnênah, ‘I mit ata hmawlh tê tak tê kha mi lâk chhuahtîr rawh,’ i tih theih ang? Ngai teh, nangma mit ngeiah khanchhuk a awm reng si a.

Zâwlnei derte lakah fîmkhur rawh u; chûng chu berâm vun sinin in hnênah an lo kal ṭhîn a, an chhûng lamah erawh chuan chinghne koham takte an ni si a. Anmahni chu an rahah in hre mai ang. Hruihlîngnei kûngah grêp rah an lo ngai em ni? Lênhlîngah pawh theipui an lo ngai em ni?

Chutiang bawkin thing ṭha apiang a rah ṭha ṭhîn a; thing chhia erawh chu a rah chhe ṭhîn.

Thing ṭha a rah chhe thei lo va, thing chhia lah a rah ṭha thei hek lo.

Thing tin rah ṭha lo apiang chu an kit a, meiah an paih ṭhin.