Popular Bible Verses from Matthaia 28

Share

Chutichuan, kal ula, hnam tina mi zirtîrahte siam ula, Pa leh Fapa leh Thlarau Thianghlim hmingah chuan baptis ula, thu ka pêk zawng zawng che u pawm tûrin zirtîr rawh u. Tin, ngai teh u, kei kumkhuain, khawvêl tâwp thleng pawhin, in hnênah ka awm zêl ang,” a ti a.

Tichuan, Isua chu an hnênah a lo kal a, anniho chu a bia a, “Lei leh vâna thuneihna zawng zawng ka hnênah pêk a ni tawh.

Tin, vântirhkoh chuan hmeichhiate chu a bia a, an hnênah, “Nangni chuan hlau suh u. Isua, an khenbeha kha in zawng tih ka hria e. Hetah a awm tawh lo ve; a sawi ang ngeiin a thawhleh tawh kha. A mutna hmun hi rawn en teh mah u.

Tin, Isuan an hnênah, “Hlau suh u, kal ta ula, Galili rama kal tûrin ka unaute va hrilh rawh u; chutah chuan min hmu ang,” a ti a.

Tin, upate nên an inkhâwma, an inrâwn zawhin sipaite hnênah chuan tangka tam tak an pe a, “ ‘Zânah, kan muthilh hlânin a zirtîrte an lo kal a, amah chu an ru ta a ni,’ ti ang che u. Tin, ram awptuin chu chu a lo hriat chuan amah chu kan thlêm ang a, lungkham lovin kan siam ang che u,” an ti a. Chutichuan, tangka chu an la a, an hrilh ang zêl chuan an ti ta a; tichuan, tûn thlengin chumi thu chu Juda-te zîngah an la sawi huai huai a ni.