Popular Bible Verses from Matthaia 27

Share

Tin, behliang mun hun lai vêl chuan Isua chu aw ring takin, “Eloi, eloi, lama sabakthani?” tiin a au chhuak a (chu chu, “Ka Pathian, ka Pathian, engah nge mi kalsan?” tihna a ni).

Tin, ngai teh, Pathian biak in puanzâr chu a chung lam aṭangin a hnuai lam thlengin a lo thlêr chhuak ta a; tin, lîrte a lo nghîng a, lungpuite a lo khi chat a; thlânte a lo inhawng a; mi thianghlim muhîl tawhte taksa tam tak pawh kaihthawhin an awm ta a

Tin, Isua chu aw ring takin a au leh a, a thlarau a thlah ta a.

Tin, sipai za hotu leh a hnêna Isua vênga awm vete chuan, lîrnghîng leh thil awmziate chu an hmuhin an hlau ta êm êm a, “He mi hi Pathian Fapa a ni ngei mai,” an ti a.

Tin, chawfâk hun achin behliang mun hun thlengin khawvêl a lo thim ta vek a.

Pilatan an hnênah, “Isua, Krista an tih hi engtin nge ka tih tâk ang le?” a ti a. An zain, “Ani chu kraws-ah khenbehtîr rawh,” an ti a. Tin, ani chuan, “Engah maw? Eng nge a tihsual ni?” a ti a. Nimahsela, anniho chu, “Kraws-ah khenbehtîr rawh,” tiin an au chiam a.