Popular Bible Verses from Matthaia 19

Share

Tin, Isuan anni chu a en a, an hnênah, “Chu chu mihring tân tih rual a ni lo va; Pathian nên erawh chuan engkim tih theih a ni,” a ti a.

Chutichuan, pahnih an ni tawh lo va, tisa pumkhat an ni tawh zâwk a ni. Chuvângin, Pathianin a zawm tawh chu mihringin ṭhen suh se,” a ti a, a chhâng a.

Tin, ani chuan, “A tîr ata an siamtu khân hmeichhia leh mipaa a siam leh, ‘Hemi avâng hian mipain a nu leh a pa a kalsan ang a, a nupui a vuan ang; tichuan, an pahnih chuan tisa pumkhat an lo ni tawh ang,’ a ti tih in chhiar lo vem ni?

Isua erawh chuan, “Naupang tête ka hnênah han kaltîr ula, hnar suh u; vânram chu hetiang mite ta a ni si a,” a ti a.

Nimahsela, mi tam tak, hmasa bera awmte chu hnuhnûng berah an la awm ang a; hnuhnûng berte pawh hmasa berah an la awm ang.

Tin, mi tin, inte emaw, unaute emaw, farnute emaw, pa emaw, nu emaw, fate emaw, ramte emaw ka hming avânga kalsan apiang chuan a leh za an hmu ang a, chatuana nunna an la chang bawk ang.

Isuan a hnênah, “Ṭha famkima awm i duh chuan, kal la, i neih chu hralh la, pachhiate hnênah pe rawh; chutichuan, vânah ro i nei ang; tin, lo kal la, mi zui ang che,” a ti a.

Tin, ani chuan a hnênah, “Thil ṭha thu engah nge mi zawh? Ṭha chu pakhat chauh a awm; eng pawh ni sela, nunnaa luh i duh chuan thupêkte chu zâwm rawh,” a ti a.

Tin, ka hrilh leh a che u, mi hausa Pathian rama luh aiin, hriau benga sanghâwngsei luh tlang a awl zâwk,” a ti a.

Kei chuan ka ti a che u, ‘Tu pawh tlangvâl ngaih vâng ni lova nupui maa mi dang nei apiang chu a uire a ni; mâk hnu nei apiang pawh a uire a ni,’ ” a ti a.

Tin, Isuan a zirtîrte hnênah chuan, “Tihtak meuhvin ka hrilh a che u, mi hausa tân vânrama luh chu harsa tak a ni.