Popular Bible Verses from JOELA 2

Share

LALPA chuan, “Chuti chung pawhin tûnah in thinlung zawng zawngin, chaw ngheiin, ṭapin, lungngaiin ka lam lo hawi rawh u,” a ti.

Chumi hnuah chuan heti hi a ni ang a, mi zawng zawng chungah ka thlarau ka leih ang a; in fapate, in fanuten ka thu an hril ang a, in putarten mumangah an mang ang a, in tlangvâlten inlârnate an hmu ang.

In puan ni lovin in thinlung thlêr ula, LALPA in Pathian lam chu hawi rawh u; ani chu khawngaih thei tak leh lainatnaa khat, thinnel leh ngilneihna ngah, chhiatna thlentîr lo tûra inlamlêt ṭhîn a ni si.

Tin, heti hi a ni ang a, tu pawh LALPA hming lam apiang chu chhanhim an ni ang. LALPAN a sawi ang khân, tlân chhuakte chu Zion tlângah leh Jerusalem khuaah an awm ang a, a la awm chhunte zîngah chuan LALPAN a kohte chu an awm ang.

Ni thimah a chang ang a, thla thisenah a chang ang, LALPA ni ropui tak leh râpthlâk tak chu a lo thlen hmain.