Popular Bible Verses from ISAIA 55

Share

“Ka ngaihtuahte hi i ngaihtuahte a ni si lo va, i awm dânte chu ka awm dân a ni hek lo,” LALPAN a ti.

“Vân khi lei aia a sâng zâwk angin, ka awm dânte hi in awm dânte aiin a sâng zâwk si a, ka ngaihtuahte pawh hi in ngaihtuahte aiin a sâng zâwk bawk a ni.

Hmuh awla a awm lai hian LALPA chu zawng ula, a hnaih lai hian ko rawh u.

Mi suaksual chuan a awm dân chu bânsan sela, mi fel lo chuan a ngaihtuahte chu bânsan bawk rawh se. LALPA hnênah kîr leh rawh se; tichuan, anin a lo khawngaih ang; kan Pathian hnênah kîr leh rawh se, anin a ngaidam nasa khawp dâwn si a.

“Hawh u, tuihâl apiangte u, tuiahte hian lo kal rawh u; tangka nei lote pawh, lo kal ula, lei ula, ei rawh u. A ni, lo kal ula, uain leh hnute tui tangka pe lovin, a man pawh pe lovin lei rawh u.

Ruah leh vûr chu vân aṭangin a sûr ṭhîn a, khi lamah khian a kîr leh ngai lo va, lei hi a châwm zâwk a, thil a ṭotîrin a chawrtîr a, buh chi thehtu hnênah buh chi a pe a, eitu hnênah ei tûr a pe ṭhîn; chutiang bawkin ka kâ aṭanga ka thuchhuak chu a awm ang: eng mah tih nei lovin ka hnênah a kîr leh lo vang a, ka duh ang chu a tizo zâwk ang a, thil ti tûra ka tirhnaah chuan a hlawhtling bawk ang.

Hlim taka chhuakin, thlamuang taka hruai chhuahin in awm dâwn si a; tlâng liante leh tlâng tête chuan in hmaah hla an sa chhuak phut ang a, phûl thing zawng zawngte chuan an kut an bêng bawk ang.

In beng rawn dawh ula, ka hnênah lo kal rawh u. Ngaithla ula, tichuan in nunna chu a nung ang; tin, in hnênah kumkhaw thu ka thlung ang, Davida hnêna khawngaihna tiam tlatte chu.