Popular Bible Verses from ISAIA 54

Share

Nangmah beihna tûra hriam chher rêng rêng a sâwt lo vang; lei tinrêng thupawia nangmah rawn khingtute chu thiam loh i chantîr ang. Chu chu LALPA chhiahhlawhte rochan chu a ni a, an felna chu ka hnên ata a ni,” LALPAN a ti.

Tlâng liante chu an kal bo vang a, tlâng tête chu sawnin an awm bawk ang; ka ngilneihna erawh hi chu i lak ata a kal bo lo vang a, ka remna thuthlung chu sawnin a awm hek lo vang,” LALPA, a khawngaihtu che chuan a ti.

Hlau suh, i mualpho dâwn si lo; zak hek suh, mualphovin i awm dâwn si lo; i tleirâwl lai mualphona chu i theihnghilh tawhin, i hmeithaina hmingchhiatna chu i hre reng dâwn tawh si lo.

Nangmah siamtu chu i pasal a ni a, a hming chu Sipaihote LALPA a ni; Israel-ho Mi Thianghlima chu nangmah tlantu a ni a, ani chu khawvêl zawng zawng Pathian an ti ang.

“I puan in hmun chu zauh rawh, i awmnate puan in chung chu kai pharh rawh se; ren suh; i hruite chu tisei la, i kaih marna khente chu tinghet rawh.

Tin, i fate zawng zawng chu LALPA zirtîrin an awm ang a, i fate thlamuanna chu nasa tak a ni ang.

Ka thinur liamin mitkhapkâr i lakah ka hmai ka thup a; nimahsela, kumkhaw ngilneihnain ka khawngaih ang che,” LALPA, nangmah tlantu chuan a ti.

“Mitkhapkâr lek ka ma chia; nimahsela, khawngaihna nasa takin ka hruai leh ang che.

“Chu chu ka tân Nova tuite ang kha a ni si a; ‘Nova tuite chuan lei a chîm pil leh tawh lo vang,’ tia chhia ka chham ang khân, ‘I chungah ka thinur tawh lo vang a, ka zilhhau tawh hek lo vang che,’ tiin chhia ka chham ta a ni.

I chhîp zumte chu rubi lungin, i kawngkhârte chu karbankul lungin, i kulh zawng zawng chu lungmawitein ka siam ang.