Popular Bible Verses from ISAIA 45

Share

LALPA, i hminga kotu che, Israel-ho Pathian ngei chu ka ni tih i hriat theih nân thim zînga rote chu ka pe ang chia, hmun fianrialtea sum thuhrûkte pawh ka pe ang che.

‘Kei i hmaah ka kal ang a, a bumboh laite chu ka tirual ang; dâr kawngkhârte chu ka tichhe rem rum ang a, a kalhna thîr tlâwnte chu ka tibung ang.

Kei hi LALPA chu ka ni, a dang rêng rêng an awm lo; keimah lo chu Pathian rêng rêng an awm lo. Keimah lo chu a dang rêng rêng an awm lo tih ni chhuahna lam aṭang leh thlang lam aṭanga an hriat theihna tûrin, mi hre ngai lo mah la, i tai ka hrênsak ang che. Kei hi LALPA chu ka ni, a dang rêng rêng an awm lo.

Eng ka siam ṭhîn a, thim pawh ka siam ṭhîn a ni; remna ka siam ṭhîn a, sualna pawh ka siam ṭhîn a ni; kei hi LALPA, chûng thil zawng zawng ti ṭhîntu chu ka ni,’ tiin.

Kâwlkila mi zawng zawngte u, ka lam lo hawi ula, chhandamin awm rawh u; kei hi Pathian ka ni si a, a dang rêng rêng an awm lo.

LALPA chuan a hriak thih Kura, hnamte chu a hmaah tudawl tûr leh, lalho kâwnghrênte phelhsak tûr leh, a hmaa kawngkhârte hawnsak tûr leh, kulh kawngkhârte khâr lova awmtîr tûra a kut ding lam ka chelha hnênah chuan, heti hian a ti

‘Khûp tinrêng chu ka hmaah an ṭhingṭhi tawh ang a, lei tinrêng pawhin ka hnênah chhechhamin thu an tiam tawh ang,’ tiin mahni leh mahni inchhâlin chhia ka chham ta, thu chu felna hlîrin ka kâ aṭangin a chhuak tawh a, a lo lêt leh tawh lo vang.

Jakob-ho ka chhiahhlawhte leh Israel-ho ka thlante avâng chuan i hmingin ka ko che a ni; mi hre ngai lo mah la, hming ka saksak ang che.