Popular Bible Verses from ISAIA 44

Share

Ram rovah chuan tui ka leih ang a, lei chârah chuan lui ka luantîr bawk dâwn a ni; in thlahte chungah ka thlarau ka leih ang a, in fate chungah ka malsâwmna ka leih bawk ang

“LALPA, Israel-ho Lal, an tlantu Sipaihote LALPA chuan heti hian a ti: ‘Kei hi Hmasabera chu ka ni a, Hnuhnûngbera pawh ka ni; keimah lo chu Pathian rêng an awm lo.

In bawhchhiatnate chu chhûm chhah mup tihbo angin ka tibo ta a, in sualnate chu chhûm tihbo angin ka tibo ta bawk a. Ka hnênah lo kîr leh rawh u, ka tlan tawh si che u a,” tiin.

Hlau suh ula, ṭih hek suh u: hmânah khân in hnênah ka sawi tawhin ka hriattîr tawh che u a ni lâwm ni? Tichuan, nangni hi mi hriatpuitute in ni. Keimah lo hi Pathian rêng rêng an awm em? A ni, Lungpui rêng rêng a awm lo; pakhat mah a awm ka hre lo.’ ”

LALPA, nangmahni siamtu, chhûl aṭanga nangmahni dintu, nangmahni ṭanpuitu tûr chuan heti hian a ti: ‘Aw Jakob-ho ka chhiahhlawhte u, nangni Jesurun-ho ka thlante u, hlau suh u.