Popular Bible Verses from तोलिङ्‌सोमु 49

Share

यहुदाःल्‍ले़ कुहुक्‍कोलाम् हाङ्‌तक्‍काःत्तिन् मे़ले़त्‍ने़ल्‍लो, कुन्‍दाङ्‌बे़न् मे़न्‍दाए थारिक् हाङ्‌जुम्‍मो ओगप्‌ के़बोङ्‌बा तक्‍काःत्तिन् कुलाङ्‌भिःप्‍मोलाम् मे़जत्‍ने़ल्‍लो॥ हे़क्‍क्‍याङ् मे़न्‍छाम् सुवाङ्‌हाॽ खुने़ॽ मे़त्तुसिबा पाःन्‍निन् खे़म्‍मा के़दे़म्‍बा मे़बोङ्‌लो॥

“युसुफे़न् कुजाॽ इस्‍सेःङ्‌बा इवाःत्‍लो, वबुन्‍दाक्‍किल्‍ले़ कुबेसाङ्‌बा कुजाॽ के़बप्‍पा कुइवाःत्‍लो, खे़ल्‍ले़ कुबोराक्‍हाॽ लुङ्‌धाक् चङ् हे़ॽयो ताप्‍पेःक्‍लो॥ तोङ् लि के़याङ्‌बाहाॽरे़ खे़न् साॽरिक् तुक्‍खे मे़जाःत्तुरो, खे़न् तोःङ्‌ङिल्‍ले़ मे़आबु, हे़क्‍क्‍याङ् खे़न् मे़नाःत्तु॥

हे़क्‍केसाङ् खे़ल्‍ले़ कुलिन् के़जाॽबाए चोगे़रो, हे़क्‍क्‍याङ् कुहुक्‍हाॽ के़धुम्‍बाए पोःक्‍खे़रो, याकुबरे़ मुक्‍साम्‍साबे़ल्‍ले़ कुहुक्‍किल्‍ले़ चोगुल्‍ले़, इस्राइलबा याक्‍पेॽ, मे़ल्‍लुक् कम्‍बाल्‍ले़ चोगुल्‍ले़, इग्र खे़ने़ॽ के़भाॽबाङ् के़म्‍बारे़ कुनिङ्‌वाॽफुमाङ्, खुने़ॽ के़भाॽरो, मुक्‍साम्‍दाङ्‌बा निङ्‌वाॽफुमाङ्, खुने़ॽ खे़ने़ॽ हाङ्‌वा मुॽइसाम् के़बिरो— थो साङ्‌ग्राम्‍पेदाङ्‌बा हाङ्‌वा मुॽइसाम्‍हाॽ, कुदिम्‍बे केःम्‍बा वबुन्‍हाॽओबा हाङ्‌वा मुॽइसाम्‍हाॽ, हे़क्‍क्‍याङ् साप्‍पोःक्‍कोबा हाङ्‌वा मुॽइसाम्‍हाॽ॥

“यहुदाए, के़म्‍भुॽ के़न्‍साॽसिरे़ खे़ने़ॽ के़नारा मे़भोसुरो, के़हुक्‍किल्‍ले़ के़निङ्‌मिहाॽरे़ खुन्‍छिॽ सित्‍ला यॽरुरो, खे़ने़ॽ के़म्‍बारे़ कुस्‍साहाॽ खे़ने़ॽ के़दगि साम्‍बोन् हबत् मे़बत्‍लो॥ यहुदान् थे़रिङ्‌बे़ल्‍ले़ कुस्‍सारो, आस्‍साए, खे़ने़ॽ सा के़नाःत्तुआङ् के़नुःक्‍खे़ के़दे़आङ् के़वाॽरो, थे़रिङ्‌बे़न् हे़क्‍के खे़न् थिङ्‌सिङ्‌ङाङ् ने़रो, थे़रिङ्‌मे़न् हे़क्‍के हाःत्‍ले़ खे़न् फोङ्‌मा कोःत्तुबे?

“रुबे़न्‍ने, खे़ने़ॽ आङ्‌गाॽ तुम्‍बा आस्‍साने़रो, आमुक्‍साम् नु आसाॽइरे़ तगिबा आस्‍साने़रो, मिमिदिङ् नु मुक्‍साम्‍मो के़रे़क्‍नुःल्‍ले़ के़ये़ःक्‍पाने़रो॥ च्‍वाःत् हे़क्‍तङ्‌बा खे़ने़ॽ के़ले़ःङ्‌बाआङ् के़वाॽबाने़रो, के़मिङ्‌सो के़धाङ्‌सोरे़ के़न्‍दक्‍ने़ल्‍लो, थेआङ्‌भे़ल्‍ले़ खे़ने़ॽ के़म्‍बारे़ कुइप्‍नाओ के़लासे़, हे़क्‍क्‍याङ् खुने़ॽ कुमेःत्ते़न्‍नु के़इप्‍से़, हे़क्‍क्‍याङ् खे़न् आसुत्‍थो के़जोगुरो॥