Popular Bible Verses from Romans 14

Share

Bikos God kingdom nor bi food and drink matter, but na about raitiousness, peace and joy wey di Holy Spirit dey give pipol. If yu serve Christ like dis, God go dey happy with yu and pipol go respet yu.

If wi live, na God wi dey live for; if wi die, na God wi still die for. So, weda wi die or wi live, na God still get us.

So, make wi live for peace, den wi go help each oda grow as dem dey serve God.

So, make wi nor dey judge one anoda and make wi nor spoil anoda pesin faith.

God word sey, “Weda dem like am or not, evribody go knee down for my front kon sey na mi bi God.” So, all of us go tell God wetin wi do with awa life.

Make una dey welkom God pipol. Even doh dia faith nor too strong, make una nor curse dem, bikos of wetin dem dey tink sey dey good or bad.

Wish rite yu get to kondemn anoda pesin savant? Na only dia oga fit tok weda dem dey do well and e must make sure sey, dem do di rite tin.