Popular Bible Verses from Proverbs 22

Share

Make yu tish yor pikin how e go take live en life and wen e don old, e go still dey do di same tin.

If yu obey God kon honbol yorsef, yu go get propaty, honor and long life.

If yu nid to choose between good name and plenty propaty, make yu choose good name, bikos respet betta pass silva and gold.

Make yu nor make friend with pipol wey get hot and bad tempa

Do good and share yor food with poor pipol, den God go bless yu.

Wise pipol dey si trobol dey run, but foolish pipol go run enter kon sofa pain.

Na rish pipol dey rule poor pipol and if yu borrow money from pesin, yu go bi en savant.

Pesin wey get plenty money and pesin wey nor get, na di same dem bi, bikos na God kreate two of dem.

Make yu nor trit poor pipol anyhow bikos yu get pawa! Doz wey nor get help for kourt, make yu nor trit dem anyhow too, bikos God go judge dia kase for dem kon ponish doz wey dey treaten dia life.