Popular Bible Verses from Proverbs 15

Share

Good ansa dey end vexnashon, but yeye words dey kause kworel between pipol.

To fear God, dey bring wisdom and to honbol yorsef, dey bring honor.

Gentol word na tree wey dey give life, but lie-lie tongue dey make di spirit weak.

Plans dey spoil wen good advise nor dey; but many advise dey bring progress.

Pipol dey smile wen dem dey happy, but sorrow dey make dia spirit weak.

God dey wosh evriwhere, E dey wosh both good and wiked pipol.

E betta to get small propaty and still dey fear God, dan to get evritin with many-many wahala.

Pesin wey dey kwik vex, naim dey first kause fight; but kwayet pesin dey kwayet for evriwhere.

Doz wey dey fear God, dey tink before dem tok; but na only evil words full wiked pipol mout.