Popular Bible Verses from Matiu 24

Share

Bikos pipol nor go obey God law, di love wey many pipol get for God, nor go strong again. But God go save di pesin wey go bear go rish end.

Before di world go end, my pipol go prish about God Kingdom go rish evriwhere.”

Una go dey hear rumor sey war dey happen for difren place. Make una nor fear, bikos e must happen, but di time wey I go kom, neva rish.

One kountry go fight with anoda kountry and one kingdom go fight with anoda kingdom. Honga go dey evriwhere and eartkweke go happen for difren place. Wen dis tins go dey happen, e go bi like wen belle dey pain woman wey won born.”

Heaven and eart go vanish, but my word go still dey.

Many pipol go kom with my name dey sey, ‘I bi Christ wey bi di Mezaya’ and dem go deceive many pipol.

“Dem go karry una wey bi my disciples give pipol wey go sofa and kill una. Bikos of mi, pipol for difren town wey nor know God, go hate una. Many pipol nor go gri follow mi again and dem go dey lie and hate each oda. Many wayo profets go kom and dem go deceive many pipol.

Jesus ansa dem, “Make una shine una eye, so dat nobody go fit deceive una.

So, make una dey ready, bikos Man Pikin go kom for di time wen una nor tink sey e go kom.

“So, make una shine una eye, bikos una nor know di day wen Christ go kom.

“Nobody know dat day or di time, even di angels for heaven nor know am, escept my Papa.

Lie-lie messiahs and profets go kom do big-big mirakles take deceive pipol. If e possibol sef, dem go deceive pipol wey God choose.

Just like e happen for Noah time, na so Man Pikin go take kom. For Noah time, before di flood kom, pipol dey chop and drink, dey marry and dey give dia pikin out for marriage, until di day wen Noah enter di ark. Dem nor know wetin dey happen until wota kom karry dem go. Na like dat e go bi wen Man Pikin go kom.