Popular Bible Verses from Ekklesiastes 1

Share

bikos di more I dey find out, di more e dey worry mi well-well, bikos plenty wisdom dey bring plenty wahala too. So di more yu know, di more yu dey kause wahala for yorsef.

Wetin don happen before, go happen again and wetin pipol don do before, dem go do am again, bikos nor-tin dey new for dis world.

All dis tins dey taya pesin and nobody fit shange or tok as dem bi: No matter wetin wi dey si and hear, awa eyes still won si and awa ear still won hear more.

Di tisha sey, “Evritin dey yuzles! Yes, evritin really dey yuzles!” Wetin pipol dey gain from all di hard work wey dem dey do for dis world?

As I tink about evritin wey human being dey do for dis world, I kon sey: Evritin dey yuzles; e just bi like sey pesin dey porshu breeze.

Wen one generashon kom, di one wey dey before go-go, but di world nor dey shange.

Wi nor dey remember wetin don happen before and for di next generashon, nobody go remember wetin wi dey do naw.

So I kon gri to find out wetin wisdom, madness and foolishness bi. But e klear sey, na breeze I just dey porshu