Popular Bible Verses from 1 Korintians 12

Share

Each of us get difren gift wey di Spirit give us and wi dey use am do good.

All of una dey Christ body. And each of una, na part for di body.

If one part dey sofa, di oda parts dey sofa too. But if dem praiz one part, di oda parts go dey happy.

Some among us dey fit speak with wisdom and odas with knowledge, but na di same Spirit dey give us all dis gifts. To oda pipol, di Spirit dey give dem faith or di pawa to heal sick pipol. Di Spirit dey give odas di pawa to do mirakle and e make some pipol profets and some dey fit know wen God Spirit dey among us. Odas dey tok with difren-difren language and some among us go tell una wetin di tins wey dem dey tok, mean.

But na di same Spirit dey do all dis tins and e dey choose di kind gift wey e wont give each pesin.

God do am like dis, so dat all di parts for di body go dey work togeda and each part go dey kare for oda part.

Na many spiritual gifts God dey give pipol, but all of dem na from di same Spirit. And wi get difren ways to serve God and each of us dey do difren tins. But na di same God dey work for awa life and E dey help us do evritin.

So for di church, God first choose apostles, before profets and tishas. E still choose some wey dey do mirakle, odas wey dey heal sick pipol, some wey bi leaders and odas wey dey tok with difren-difren language.

Nor bi only one part awa body get, but dem many.

So, wi nor go fit do anytin with awa body without di part wey wi feel sey, e dey weak.

If to sey di whole body na eye, wi nor for fit hear anytin and if to sey all di body na ear, wi nor for fit smell anytin. But God don put evry part for awa body, just as E wont am. If na only one part dey di body, den di body nor go bi as e suppose bi again.