Popular Bible Verses from ALuka 5

Share

Ama fɛ́ a mi gang kucɛɛt wu, a fɛ̀ na aSiman, “Ti ban nɔ ni kukyɛ ashi ngɔn narɔ katsik, nɔng i da bin barak águnung ngɔn ayɛt e, i da yit ízos dot.”

ASiman fɛ̀ ni wu, “Akɔk-ashon, iyit bang in kɔsɔ yit azeng, in bɔrɔng yit, vit ikyɛng fi in kyem in yit yit. Awɛt nek ikyɛng fi ngɔn fɛ̀, in da ti in barak águnung e.” Ni izen fɛ́ ba barak agunung e, ba yit ízos yɔk-yɔk fɛ́ ngmash agunung e na a tɛsɛng.

AYeso mi di mɛɛ na kana nye kyɛw, na ras awon.

Da imi bɛ́, nek iyes banet batek awo, tit bafi inɛn sak ishan atsak.”

Ama fɛ́ aSiman Bitrus di ikyɛng fi ite, a te gururuk ashon aYeso, a fɛ̀, “Tseng di won aTisa, nek imi yet afi inɛn!”

AYeso fɛ̀ ni ba, “Da bayɔng fɛ́ ba se cere ba fɛ̀ ba tsɛt abok awo, tit bafi irɔk.

Nek anɔng, ba turung akyɛ-ashi bá sak amatse, ba won kaakyɛ, ba ku kuus mo.

Izen fɛ́ aYeso kin se ni wɔp kukak, anet akak fi ikparong mi ku ya makiyi. Ni izen fɛ́ a di aYeso, a kpa gururuk ashon wu, a kpa ra awon sak ni wu, yɛ, “ATisa, ki ngɔn fi i shim, ki i di te kyang.” AYeso nabak kubɔk wu, a di ra anet e, a fɛ̀ ni wu, “Ey, imi shim; ni i sot cɛ́l!” Ni izen izining, ikparong e wat i ku won.

Ngma nɛ anɔng, kucɛɛt naton aYeso, ya kashon ni ibarasa, fi i sak kudyɛng banet tsees nek ifoos wu, ni iwu ka ba tes kyang, ni nrɔk bá.