Popular Bible Verses from 2 BaKorinti 1

Share

Won iratek ni i sot ifɛ̀ Ada yit Adakunom nɛ aTisa yit aYeso Kristi, Ada fɛ̀ a foos angmishish, iwu fɛ̀ a ki wɔrɔk yit, ni izen mgbang, nɔng iyit da kyem in di gbinding yit bayɔng fɛ̀ ba sɛ ayit izot, ni kuri iwɔrɔk fɛ̀ Adakunom ki gbinding yit mo bá.

Nek ki in sɔ yit mgbang aKristi, nek in yet yit bafuu, anɔng wu fi in sɛs yit gbinding anɔng bá.

Nek in di yit tɛ ba mi ki tsɛɛt yit ishɔt iku, awɛt ikyɛng e te anɔng, kɔn in bi te yɛndɛng yit ni kukyem yit, tit na Adakunom iwu fɛ́ a kyem a doro na bafaben.

Iwu Adakunom fɛ̀ a ki te tsik yit ni iyin ayɛt Anet-Isheshek, iwu fɛ̀ a di korok name ni yit, a tɛ di te nagang wu naton yit, a ki te yit Kabik wu a ki yit yit mo sak ni ikyɛng fi i bi bɛ́ ashon.

Ki iyit tsin sɔ yit mgbang, in tsin nye yit anɔng, nɔng iyin di sɛ igbingding ni isheshek; ki iyit tsin sɛs yit igbingding, a sot iyin mi se yin gbinding nek akabɔk ni tsesek fi i nye yin ni izen mgbang yit.