Popular Bible Verses from C'eysun 20

Share

«Zu va Misiri oç̌alaxun, k'ul baki ganuxun c'evk'i vi Buxačux bakala Q'ONčUXZU. Vi Zaxun q'erəz buxačuxxo nu bakalane!

Vaynak' sal sa binik' buxačux ma düzba. Nə ala - göynul, nə oq'a - oç̌ali loxol, nəəl oç̌ali oq'a xene boş bakala hik'k'ali surata ma düzba. Metər şeyurxo bul ma k'os'ba. Şot'aynak' ki, vi Buxačux Q'ONčUXZuzu, q'erəz buxačuxxo bul k'os'bsuna nu portbala Buxačuxzu. Günaxbi bavoğoy cazina içoğoy nəvə-nəticoğoz zapest'on.

Vi bava-nana hörmətba ki, Buxačux Q'ONčUğON va tadi oç̌ala vi ömür boxoyq'an baki.

Şamat' ğine ı̌vel baksuna eyex efi şot'o t'iyə̌mi ğimxoxun üst'ün laxa.

Vi Buxačux bakala Q'ONčUğOY s'iya ams'i gala muzel ma eça, şot'aynak' ki, Q'ONčUğON İz s'iya ams'i gala muzel eçalt'u cazasuz tene bark'on.

Ǔq ği əşp'i bütüm vi əşurxo biq'a. Vǔğǔmci ği isə vi Buxačux bakala Q'ONčUğO həsrbaki ı̌vel Şamat' ğine. Me ği nə hun, nə vi ğaren, nə vi xuyəren, nə vi işq'ar nəəl çuux nökəren, nə vi heyvanxon, nə vi t'ǒǒx bakala q'erəz ölkinəxun bakala q'əriben sal sa əş maq'an biq'i.

Şuk'k'ali k'oja tamaxmaba. Şuk'k'ali çuğo, iz işq'ar nəəl çuux nökərə, öküzə, elema - şot'ay sal sa şeya tamaxmaba».

Şuk'k'ali əleyinə əfçidən şahidluğmaba.

Əxlagsuzluğmaba.

Besmaba.

Başmaq'a.