Popular Bible Verses from एफिसी 4

Share

बुरू किताव परमेस्‍वरए येसु ख्रीसए ओक्‍याँत मादान्‍या जेदोव ऱास्‍द ओयाचिउ, जे ब छुतलाई जेयुँ नाद जेउपर्त मादान्‍या ओदोव ऱासो ताके।

मास॰द, तहस लिद, चाव माचाव गाल्‍द जे जेल युँ नैद सहिसिद ल्‍यो ताके।

कोभा पाँर जेयाःनी ताहुक। बुरू थैज़्यावरालाई तान्‍या चाव पाँ वाज़ पाँव ताके।

जे जेल मासखैज़्‍याव युँ, रिस चोन्‍या, युँल नैन्‍या, थल्‍न्‍या, अर्काए उमिन बले·न्‍या, स़ोनो युँनी कुबातैं हुज़्‍याव भरी प्‍याःपी जैद ख्याव ताके।

कातारात जेरिस ओचोकिन मादान्‍या य़ेन तादोच्‍यो। नो जेरिस हो छ्याम ज़ उसिक। जो य़ेनल तादी ब सैतानलाई येम ताएच्‍यो।

ङ़ादाङाव जेयुँए मादान्‍या वाज़ खिम्‍द ओबले·चिज़्‍याव। आकिन ते नो मादान्‍या जेदोज़्याव य़ेनर ऱास्‍द, साःरो युँ रैव ताके। नो साःरो युँ ते छैंव सतलाव य़ेन दान्‍यात ओल परमेस्‍वरए ओगेनी ज़ जैसिउ लिज़्‍या।

स़ोनो जे जेल खैद परमेस्‍वरए उपुरूसनिकाव ताज़्‍याव तयुँ जैद लिन्‍यादा कलँ ब ल्‍यो ताके।

ख्रीसए भाःद ओरायो असिकर आवर ज़ — ओलस ओलस बाऱिउरालाई ओसाचीर याजैक्‍यो। ख्वारालाई फरी अगमबक्तार, ख्वारालाई ओपाँ फींजैन्‍या, ख्वारालाई मन्‍दलीलाव लोम्‍बा य़ेन दान्‍या स़ोनो परमेस्‍वरए ओपाँ सिऊन्‍या याजैक्‍यो। आव बरदानर गे परमेस्‍वरए उमींरालाई ओय़ेन दान्‍यात पाखो जैद मन्‍दलीलाई पाथ पारैन्‍याए जूँनी यासिउ लिज़्‍या। हो ताकिन ची गे युँ हुप्‍न्‍यात स़ोनो परमेस्‍वरए ओज़ा येसु ख्रीसलाई सरेस्‍न्‍यात खैवर तान्‍या गेले, स़ोनो पाखो ताद ओल ख्रीस किताव ओल्‍यो, गे ब हिताव ज़ तान्‍या गेले।

गे माछिप्‍ताव ल़ुज़ा बाँज़ा स्‍यासोर लिन्‍या माःक। निताव मिँए आदा होदाङाव पाँर थैद कैताक अऩाकलाव सिर्जैसिउ पाँरादा बाद बले·ज़्‍यावराए ल्‍योनी झुकिद नो मिँ बतासए आदानी होदा ओख्याज़्‍याव पुल स्‍यासो ज़ ताज़्‍या। बुरू गे नैं मेंरास खैद साचो पाँर दाद प़ाइँल ज़ गेप्रभु येसु ख्रीसए ओदोव मिताव गे ब दोनाव ताके। ओल ज़ गेङ़ैताव लिज़्‍या।