Popular Bible Verses from एफिसी 1

Share

स़ोनो परमेस्‍वरए उखुल्‍चिज़्‍याव अजम्‍बरी जुनी आः चाव उलिज़्‍याव ओल्‍यो लिन्‍या जेयुँल ज़ थ·रैधुन्‍यार ओतारक लिद ब ङापोंखारिज़्या। गे छैंव उमींरालाई बनै अचम्‍बलाव युँ होलाँ दाव पाँर थ·रैधुन्‍यार ब ओजैचिउक। झन गे ओललाई गेयुँ हुप्‍ज़्‍यावराए जूँनी दाद ओयासिज़्‍याव ओसक्तीलाव य़ेनर आः चावर ची यालिज़्‍याव ओल्‍यो लिन्‍या थ·रैधुन्‍यार ब ओजैचिउक। नो गेजूँनी दाद ओयासिज़्‍याव ओसक्ती, ख्रीसलाई सिउनी ओसोचोइव ओसक्ती ज़। हो ओसक्तीए ज़ फरी ख्रीसलाई स्‍वर्गताव ओमान ल्‍यो पोल नैक्‍यो। ख्रीस नो पोल आव जुकल तादी ब, हुन्‍या जुकल तादी ब, नाम नमलाव लिज़्‍याव भरिराए याङ़ैताव ज़ ताके। है जैद घेप्‍पा मिन दैवर तादी ब, राजार तादी ब, दै देवतार तादी ब, स्‍वर्गताव चाकर्‍यार तादी ब

ङ़ादा ओल ज़ गेलाई, ‘ङाङ़ाक याखत माल्‍यो छैंवर घतारक’ लिद नाम नम ओमाजैद ज़ ओज़ा येसु ख्रीसए ओदोव य़ेननी ज़ छाँतिद ओनैसिज़्‍याव। निताव छाँतिद ओनैसिज़्‍यावराए गेल्‍योदा उयुँ थू जैद येसु ख्रीसनी ओज़ार जैन्‍या ब थ·रैद ओनैसिज़्‍याव। नो ओल ओपैंज़्‍याव मितावनी ज़।

नो ओज़ा येसु ख्रीसए उजिउ झाःद उझी सोभोद ओयासिउए गे गेदोव पापए सजा भरी फो·द्यासिक्‍यो, परमेस्‍वरए ओकानुन गेबले·व ब क्याल्‍द्यासिक्‍यो। परमेस्‍वरए नाःल्‍दिउ य़ेन दाद ओयासिउ ते घ्योःव ओदयानी ज़।

गेप्रभु येसु ख्रीसए ओबाबु परमेस्‍वरए उमिन बनै ओघ्‍योःक। नोए गेलाई ओल ओज़ा येसु ख्रीसए ओक्‍याँत ज़ स्‍वर्गताव लिज़्‍याव अचम्‍बलाव असिकर गेपुरूसए उजूँनी ज़ जोरैद नैद्यासिउ।