एफिसी 1:18-21
एफिसी 1:18-21 NKHAM
स़ोनो परमेस्वरए उखुल्चिज़्याव अजम्बरी जुनी आः चाव उलिज़्याव ओल्यो लिन्या जेयुँल ज़ थ·रैधुन्यार ओतारक लिद ब ङापोंखारिज़्या। गे छैंव उमींरालाई बनै अचम्बलाव युँ होलाँ दाव पाँर थ·रैधुन्यार ब ओजैचिउक। झन गे ओललाई गेयुँ हुप्ज़्यावराए जूँनी दाद ओयासिज़्याव ओसक्तीलाव य़ेनर आः चावर ची यालिज़्याव ओल्यो लिन्या थ·रैधुन्यार ब ओजैचिउक। नो गेजूँनी दाद ओयासिज़्याव ओसक्ती, ख्रीसलाई सिउनी ओसोचोइव ओसक्ती ज़। हो ओसक्तीए ज़ फरी ख्रीसलाई स्वर्गताव ओमान ल्यो पोल नैक्यो। ख्रीस नो पोल आव जुकल तादी ब, हुन्या जुकल तादी ब, नाम नमलाव लिज़्याव भरिराए याङ़ैताव ज़ ताके। है जैद घेप्पा मिन दैवर तादी ब, राजार तादी ब, दै देवतार तादी ब, स्वर्गताव चाकर्यार तादी ब
Bible App
Bible App for Kids
