Popular Bible Verses from १ कोरिन्‍थी 6

Share

आव गेक्‍याँ परमेस्‍वरए छैंव उपुरूसए उझ़िम लिन्‍या जेमासैंए रो? नो परमेस्‍वरए ल्‍योनी गेदैव छैंव पुरूसए गेक्‍याँत बास दाद नैव। है जैद आव गेक्‍याँ गे गेमीं माःक, गेलाई परमेस्‍वरए गेएः फो·द्याद उलँःसिउर ची। है जैद गे आव गेक्‍याँए परमेस्‍वरए उमिन सरैंःद्याव ताके।

अधर्मीर परमेस्‍वरए ओराज्‍याल माबाधुर लिन्‍या जेमासैंए रो? है जैद जे ताझुकिच्‍यो, नो अधर्मीर इतावर ज़ — पातर्‍या पातर्नीर, अङग्‍या पुजा दोज़्‍यावर, अर्काए ओज्‍या रैज़्‍यावर, खेपा-खेपास मेंमा-मेंमास पातर्‍या पातर्नी जैसिज़्यावर, कुज़्‍यावर, लुभीर, मँःए मँःए बाऱिज़्‍यावर, थल्‍ज़्‍यावर, धुतैद ज़्याज़्यावर, आव भरी परमेस्‍वरए ओराज्‍याल बाधुन्‍या मालेर।

पातर्‍या पातर्नी जैसिन्‍यानी अछतङ ल्‍यो ताके। उपुर्काव पाप भरी ते क्‍याँकिन पाखाङ ज़ ताज़्‍या। पातर्‍या पातर्नी जैसिज़्यावए ते ओल उउपर्त ज़ पाप दोज़्याव।

जे ख्वाराए है जेलिज़्‍याखेहो, “गेलाई कानुननी वैंसिउ य़ेन काता ज़ माले।” हैदी ब ङा फरी जेलाई है ङादाचिज़्‍या, प़ाइँ य़ेन क्‍याँए जूँनी माले। ङाकुइत प़ाइँ य़ेन उलिदी ब ङा कोभा य़ेनए ओबाँदा ङामाताए।

परमेस्‍वरए गेप्रभुलाई किताव सिउनी ओसोचोइव, गेलाई ब नो ओसक्तीनी ज़ तछा अजम्‍बरी जुनील सोचोइसिरिज़्याव।