Popular Bible Verses from Roma 4

Share

Ana icci kwakannonakat mïkït meꞌra nothonekket lon cik ila Kapik konekkenthok cik, anaruk kwopoꞌrathe than ithoccokot lon loKapik nocïkït ana ethet Kapik thïrïk, ana kwinat nan kicce itti Kapik kakkot lon ila konekketheik itti kakkot.

Ana ammakka lokurrakot itti, “Mpothikkierung oththan poul woppot.” Ook ongappa ponnon tokït koKapik ika kwoccokothe lon len nocïkït, Kapik ken ikethet ul thikkoik iillet ana ikakkot aꞌrupu iellat cik.

Kwonekittat akwothio nti ilon ilokithak lonnon ana kurokot akwothikkieron thoporot tokït koKapik.

Aprein poccokothe lon loKapik nocïkït ana manna kwellat lon cik, ana oꞌrïkot cik itti kwathakka oththan poul appik, ammakka liꞌrettathok itti, “Nyukul nyang nyathakka ittina”

Ittina, thonekket lon cik thao nothccokot lon loKapik nocïkït othakka itti aloka nthoporot thoKapik ana athettat nyukul nyAprein appik, akonnoka okkwion thothonceꞌret lon cik tulluk anaruk cakuruk ul ioccokothe lon loKapik nomïkït ilakin thoccot nAprein. Ook ongappa ponnon appik.

“Loporot nakkwion itha Kapik koccïkïnthet thukungkun then ana lon len ilokithak loꞌrumakothe. Loporot nopul ipa Kapik kakannongantene lon ilokithak lung kirrkkir.”

Akka lokurrakot iatham itti, “Aprein poccokothe lon loKapik nocïkït ana lothikkiekathok poporot tokït koKapik.”