Popular Bible Verses from ROM 3

Share

thlaanghing boeih lawng thawlhna a sai u dawngah Pathen teng kalawng athlathloeila awm u poen. Tede, Pathen kah ayoe peek reenna kutdo Jesuh Khrih mami boeih loeihsakkung rang oen thlaang boeih he thlaangdoeng la a khueh.

Jesuh Khrih te oengna rang oen Pathen lawng thlaangdoeng la a khueh. Khrih aka tangna boeih hamla doengna te Pathen lawng a sai dawngah a-u tengah khaw alangna roe awm nawh

Pathen lawng Jesuh Khrih he a thisen rang oen thawlh khawdawp ngaaina saikung la a khueh tih te khawdawp ngaaina tah Jesuh Khrih oengna rang oen ni. Pathen lawng he tila thawlh khawdawp ngaaina a sai he tah a doengna te tueng sak a ngaih dawngah ni. Yan veng atah a kaw daw tih thlaanghing thawlhna te hu nawh angla awm; tede, tahe tue veng atah amah kah doengna te a tuengna ham thlaanghing thawlhna te a pho sak. He-tila Pathen lawng amah thlaangdoeng la a awmna a tueng sak tih Jesuh aka oeng boeih tah thlaangdoeng la a khueh.

Phungawl vaina rang oen Pathen haiah a-u khat khaw thlaangdoeng la awm nawh. Phungawl kah bii sai tah thlaang lawng thawlhna a sai te ming sak ham mai ni.

Caciim lawng tila a thui, “Thlaangdoeng a-u khat khaw awm nawh; thlaangcuih pakhat khaw awm nawh, Pathen aka tlap khat khaw awm nawh. Thlaang boeih lawng Pathen te a mangthawng taak; ahimi boeih tah lawngpui a hang u poen; doengna aka sai khat khaw awm nawh, pakhatca khaw awm roe nawh.

Thlaanghing he Pathen lawng thlaangdoeng la a khueh he phungawl vaina rang oen nawh tih oengna rang oen ni.

Tih nawh ni, Thlaang boeih lawng hoem awl thui mai cakhaw Pathen tah soeng tih uep-awm la awm toeng toeng. Caciim lawng, “Awl na thui vengah na awlthui te soeng tila na tueng sak vetih awlcek la na awm vengah taya cawina te na taa ai,” tila a thui.