Popular Bible Verses from PHILIPPI-TE 2

Share

Huoihamna le kihisahna tawh bangma sem loin, kiniemkhiehin noma sangin midangte a hoizaw-in ngaisun un. Noma’ phattuomna ding beh ngaisun loin, midangte’ phattuomna ding zong ngaisutpieh un.

Khris Jesu sunga a om tami lungsim, note sungah zong omsah un.

Ama in Pasien’ pienzie nei napi, Pasien tawh kizakim ding a tu tentun sih a, ama le ama kihawmsuohsah tawmin, sila lim la-in mihing bangin ang piengzaw hi. Tuaci’n mihing mel hing puo a, ama le ama kiniemkhieh tawmin, a sina tanpha-in thu mangin, singlamte tung nangawnah sina a thuoh hi.

Bangzieh ahei cile ama’ lungkimna banga na sep nop nading ule na sep thei nadingun note sunga na ang sem pa, Pasien ahi hi.

Tua ahi ziehin Pasien in ama thupi tahin tawisang a, min zosiete sangin a thupizaw min a pie hi. Tuaci’n vantung, leitung le lei nei-a om zosiete in Jesu’ minin a khupdin ding vua, Pa Pasien’ minthan nadingin leii zosie in Jesu Khris khu TOPA ahi hi, ci-in a pulah ding uhi.

Phun lo niel loin sil bangkim sem un, tua hile lungsim kawi le a letat khang mite laizangah mukawh om lo, nuol bei le khielna a nei lo Pasien’ tate na suoh ding vua, leitungah aasi bangin na tang ding uhi.

Tua ahi ziehin ka itte aw, note in ka thu nei man zingsa ma bangun, ka op sung beh hi loin, tu ka op lo sungin zong ei mangzaw kan lai unlen, zauna le linna lungsim tawh na hutdamna uh na cingtahsah un.