Popular Bible Verses from EPHESUS-TE 4

Share

Khatlekhat kihepi-in lainatna na kinei unlen, Pasien in Khris sungah note’ mawna ang maisah bangin note zong khatlekhat na kimaisah un.

Sil bangkimah kiniemkhiehna, lungnemna, lungduoina tawh kidimin, itna sungah khatlekhat na kithuohpi ciet unlen

Na kamham un a za mite phattuomna a pieh thei nadingin, na kam sung panun kam gilo pusuohsah sih unlen, kisapna a om bangin mite kilamkip nadingin a kimang thei kamte beh na hamzaw un.

Note kung panin kilunghimawna, thangpaina, lungthahna, kihau kiselna, le kigensietna zosie, thangsietnate zosie tawh na paimangtha un.

Lungthah unlen ahi vangin maw sih un; lungthahna tawh ni na tumsah sih unlen, dawimangpa mun na pie sih un.

Nidang lai-a na hindan lui uh ahi cilesa lunggulna’ solna zieha a muot thei na milui uh a paimang ding, na lungsim puohziete uh a kibawltha ding le, dihna le siengthona tahtah sungah Pasien tawh a kisun dinga ang kisiemsa na hina uh dung zui-in, mitha na sil nadingun thu ang kihil ahi hi.

note ang khiton kilemna sungah Hlagau kipumkhatna na tuhkip thei nadingun na hi thei tawpun na bawl un.

Ama’ pieh letsongte ahile pawlkhat sawltahpite, pawlkhat kamsangte, pawlkhat lungdamna thu gente, pawlkhat pawlpi kem siete le laihil siete hi a, amate in Khris’ pumpi a kilam nadingin Pasien’ na a sem ding misiengthote pantah ding a, tua khu upna le Pasien’ Tapa theitheina-ah eihaw zosie pumkhat suohin picing a, a bukim Khris’ cingtahna zaza cieng dong i tun thei nading uh ahi hi.

Eite i hi ule mihingte’ ngiensiemna le a pilkhel a zuouthu gelna uh ahi thuhilna hui namcin in ei mutna zieha a hawisuh a hawito kawikawi naupangte i hi nawn sih uhi. Lutang ahi Khris sungah i khanto bukim thei nadingun itna tawh thuman thutah i genzaw ding uhi.