Popular Bible Verses from Wakolosai 1

Share

Mungu ametuweka huru kutoka katika nguvu za giza. Naye ametuingiza katika ufalme wa Mwanaye mpendwa.

Kwa uweza wake, vitu vyote viliumbwa: vitu vya angani na ardhini, vinavyoonekana na visivyoonekana, watawala wote wa kiroho, wakuu, enzi, na mamlaka. Kila kitu kiliumbwa kupitia Yeye na kwa ajili yake.

Mwana alikuwapo kabla ya kuumbwa kitu chochote, na vyote vinaendelea kuwepo kwa sababu yake.

Hakuna anayeweza kumwona Mungu, lakini Mwana anafanana kabisa na Mungu. Anatawala juu ya kila kitu kilichoumbwa.

Ndugu zangu tangu siku tuliposikia mambo haya juu yenu, tumeendelea kuwaombea, na haya ndiyo maombi yetu kwa ajili yenu: Kwamba Mungu awajaze ufahamu wa mapenzi yake kwa kuwapa hekima na ufahamu wote wa kiroho mnaohitaji; ili hayo yawasaidie kuishi maisha yanayomletea Bwana heshima na kumpendeza yeye katika hali zote; ili maisha yenu yazae matunda mema ya aina mbalimbali na mpate kuongezeka katika maarifa yenu ya Mungu