Popular Bible Verses from WULANG BEBASAN 3

Share

Kumandela marang Pangeran Yehuwah klawan gumolonging atimu, lan aja sumendhe marang pangretenmu dhewe. Ing salaku-lakumu ngakonana Panjenengane, temah Panjenengane bakal nglencengake dalanmu.

Aja rumangsa pinter dhewe, wedi lan asiha marang Sang Yehuwah lan ngedohana piala

Pangeran Yehuwah luhurna kalawan bandhamu lan srana kawitaning sakehe pametumu; temah lumbungmu bakal dikebaki nganti luber, lan pamipitanmu luber anggure.

Katresnan lan kasetyan muga aja nganti ninggal kowe, iku kalungna ing gulumu, catheten ana ing papaning atimu

He anakku, aja nampik marang pamerdine Sang Yehuwah, lan aja bosen marang pepengete, awitdene Pangeran Yehuwah iku matrapi sapa wong kang disihi, iya kaya bapa anggone matrapi marang anak kang ditresnani.

He anakku, aja lali marang piwulangku, sarta atimu ngopenana sakehing pepakonku, amarga umur dawa lan urip nganti tuwa, apadene katentreman bakal kawuwuhake marang kowe.

Rahayu wong kang tampa kawicaksanan, wong kang oleh kapinteran, awitdene oleh-olehane kawicaksanan iku ngluwihi oleh-olehane salaka, lan pikolehe ngungkuli emas. Ajine ngluwihi raja-peni, apa bae kang kokkarepake ora bisa madhani.

Aja nggondheli kabecikan marang wong kang wenang nampani, mangka kowe bisa tumindak mangkono.

Klawan kawicaksanan Sang Yehuwah anggone nalesi bumi, sarta anggone netepake langit kalawan pangreten