Popular Bible Verses from WULANG BEBASAN 19

Share

Atine wong ngrancang-ngrancang prakara akeh, nanging putusane Sang Yehuwah iku kang bakal kelakon.

Sing sapa melasi marang wong kang ringkih, iku motangake marang Pangeran Yehuwah, Panjenengane kang bakal males panggawene iku.

Kapinteran njalari wong sabar banget, sarta kaalembana marga anggone ngapura panerak.

Nilingna pitutur lan nampanana pamerdi, supaya kowe ing tembe bisa dadi wicaksana.

Wedi-asih marang Pangeran Yehuwah ngolehake urip, wong banjur bakal nginep klawan seneng ora bakal katempuh ing bilai.

Sing sapa kadunungan akal-budi, iku nresnani awake dhewe, kang migunakake kapinteran, bakal nemu begja.

Anakmu rangketen salawase isih ana pangarep-arep, nanging aja nganti ndadekake patine.

Seksi goroh mesthi bakal nampani paukuman, sarta kang ngucapake cidra bakal sirna.