Popular Bible Verses from Hebreos 13

Share

Yeꞌ koꞌxh etzꞌej etaanima tiꞌ u puaj. Pek txuqꞌtxunojex tiꞌ kam etetz atile. Tan nital u Tioxh ech tzaꞌ: —Yitꞌ saꞌkojvaqꞌkaꞌaxh; yitꞌ saꞌkojvelabꞌekaꞌaxh.— Chia.

Tan kꞌujlebꞌal kꞌuꞌl vitxumbꞌal u Jesucristo; bꞌenamen atile. Atiche vetiꞌanka. Atil cheel. Utz atil taabꞌaꞌbꞌen.

Echtzixeꞌt saveeti kꞌujlebꞌal kꞌuꞌl saqaleꞌ: —Yeꞌxhkam sunxoꞌva, kꞌuxh kam koꞌxh sabꞌanax ve tan, aꞌ lochol vetz u kuBꞌaal Amlika.— Chajoꞌ.

Utz yeꞌ esotzsa sekꞌuꞌl vibꞌanax u bꞌaꞌnil tuchꞌ u lochoibꞌ ibꞌilaj. Tan aꞌ qꞌu kam qꞌuꞌl tiira bꞌaꞌn vatz u Tioxh tziꞌ. Tan oj echi, echaꞌ txꞌoloꞌm niqoksa siatz.

Echtzixeꞌt qoksataj iqꞌii u Tioxh tiꞌ u Jesucristo. Kukꞌamataj u Tioxh echaꞌ tok txꞌoloꞌm siatz tu u nachbꞌal Tioxh sakubꞌaneꞌ. Kubꞌantaj yaꞌl qibꞌ tiꞌ tok iqꞌii tuchꞌ kutziꞌ.

Atoj tatin u tzumbꞌaꞌa sevatz. Utz yeꞌ eqela tan, Tioxh satxꞌolon inujul qꞌu eesanibꞌ tu bꞌey tuchꞌ aanima.

Utz aqꞌtaj ivatbꞌal qꞌu niman tetz u Jesuus qꞌuꞌl nitopon tzexeꞌ. Tan ech nichiꞌan unjolol aanima atziꞌ aas bꞌaꞌn chit taqꞌt ivatbꞌal aanima. Utz yeꞌ tootzaj aas aal antu aanjel vat tu tatibꞌal.

Uncheeꞌ u Tioxh koj aqꞌon etxumbꞌal tiꞌ ibꞌanax kajay qꞌu bꞌaꞌnla chaj kam. Ech aꞌ sebꞌaneꞌ kam vaꞌl isaꞌ. Utz ech siꞌaneꞌ kam visaꞌ setiꞌ, tiqꞌaqꞌal u kuBꞌaal Jesucristo. Tan aꞌ vixeꞌal u paas u Tioxh. Aꞌ vaꞌl qꞌaav itzꞌpixsan u Jesuus xoꞌl qꞌu kamnaj, u bꞌaꞌnla ilol tetz qꞌu niman tetz, echaꞌ u bꞌaꞌnla xeen karneꞌl. Tan tuchꞌ vikajal nitzojpi vaꞌl tal tu u nukꞌuꞌm tetz bꞌenamen. Ech tetz u techalil u Tioxh bꞌenamen tziꞌ, ech koꞌxh ibꞌenaꞌ yeꞌk iyaꞌeꞌ. Aꞌi.