Popular Bible Verses from भजनमैं 77

Share

दिलेया याहवेहजी लबै केमैं ङ मैंब्मुँ; क्ह्रोंसेंन्ले क्हिजी ओंसों ओंनोंन् लबै औदिबै केमैं ङ मैंब्मुँ। क्हिजी लबै ताँन् केमैंए बारेर ङइ सैंर मैंब्मुँ, धै क्हिजी लबै ताँन् शक्‍तिए केमैंए बारेर ङ बिचार लब्मुँ।

क्हि औदिबै केमैं लबै परमेश्‍वर ग; क्हिजी ह्रोंसए शक्ति ह्रें-ह्रेंमैंए म्हाँजोर उँइँमिंइमुँ।

ओ परमेश्‍वर, क्हिजी लबै ताँन् केमैं पबित्र मुँ। ङिए परमेश्‍वर धों तबै थेबै देवता अरू खाब् मुँ?

थेबै कैले ङइ परमेश्‍वरने ग्वार ह्रिम्, खीजी थेरिगे बिसि ङइ थेबै कैले ओरम्। दुःख योंबै त्हेर ङइ प्रभु म्हैम्; ङइ आनारल्‍ले म्हुँइँस तिमिंन् ङए यो स्योंइ; परमेश्‍वरजी आल्होमिंन् समा ङ छिं आङ्हाँ।