Popular Bible Verses from भजनमैं 18

Share

याहवेह ङ लोबै पारा, ङए किल्‍ला नेरो ङ जोगेमिंबै ङए परमेश्‍वर ग। ङए परमेश्‍वर ङ रक्षा लमिंबै पारा ग। ढाल धोंले भोंब् तसि खीजी ङलाइ जोगेमिंम्! ङ खाबज्यै तोइ लल् आखाँबै क्ल्ह्‍योर खीजी थेंमिंइ।

परमेश्‍वरए बारेर बिब् ग बिस्याँ, खीए घ्याँ बेल्‍ले छ्याँब मुँ, याहवेहजी बिबै बाछा भर लल् खाँब मुँ; खीए प्हलेर ग्वार योंब्मैं ताँनए ल्हागिर ढाल ग।

ङ याहवेहए मिं किंम्, खी मान लल् त्हुब मुँ, ङए शत्तुरमैंउँइँले खीजी ङ जोगेमिंब्मुँ।

ङए सैंरै आमैंबै दुःखमैं ङए फिर तखमा ङइ याहवेहने ग्वार ह्रिइ, छले ल्होमिंन् बिसि ङए परमेश्‍वरलाइ हुइमा खीजी ह्रोंसए टिबै क्ल्ह‍योउँइँले ङए ताँ थेमिंइ।

ओ याहवेह, क्हिजी ङए बत्ति लुँरिल् पिंम्, ङ मिछु खैबर प्ररिमा ङए परमेश्‍वरजी मि म्रोंल् लमिंम्।

परमेश्‍वरजीन् ङलाइ भोंब लमिंम्, धै ङइ लल् म्हैबै केमैं खीजी छ्याँब् लमिंम्।

याहवेह सोगों मुँ! ङ लोबै पाराए मिं थेब तरिगे! ङ जोगेमिंबै परमेश्‍वरए मिं बेल्‍ले थेब तरिगे।