Popular Bible Verses from भजनमैं 143

Share

क्हिए सैंर मैंब पूरा लबै ल्हागिर ङलाइ लोमिंनु, तलेबिस्याँ क्हि ङए परमेश्‍वर ग! क्हिए खों बेल्‍ले छ्याँब मुँ, छतसि ङलाइ छ्याँबै घ्याँर डोरेमिंनु!

न्हाँग छजँ क्हिए खोंयोंइ आनुबै म्हाँयाए बारेर थेरिगे; तलेबिस्याँ क्हिए फिर्न ङइ भर थेंइमुँ। ङ प्रल् त्हुबै घ्याँ ङलाइ लोमिंनु, तलेबिस्याँ ङए सो ङ क्हि ङाँइन क्वेमुँ।

ओ याहवेह, ङए शत्तुरमैंउँइँले ङ जोगेमिंनु! तलेबिस्याँ क्हिए प्हलेर्न ङ ग्वार योंबर खइमुँ!

ओ याहवेह, ङइ क्हिए मिं थेब लरिगे बिसि ङए सो जोगेमिंनु! क्हिजी खोंयोंइ ठिक के लमुँ, छतसि ङए दुःखउँइँले फ्रेमिंनु!

ओ याहवेह, ङए प्राथना थेमिंनु, ल्होमिंन् बिसि ङइ ग्वार ह्रिब थेमिंनु! क्हि भर लल् खाँब नेरो ठिक के लबै परमेश्‍वर ग, छतसि ङलाइ जवाफ पिंनु।

ओ याहवेह, ङइ ग्वार ह्रिब युनन् थेमिंन्, ङए सैं खैता-खैता तइमुँ! ङने बालु क्हिए लि आलोमिंनु, आस्याँ ङ क्रोंर फेनेब्मैं धोंन् तब्मुँ।

ह्‍याबै त्हिंइमैं ङइ मैंमुँ, धै क्हिजी ताँन् केमैं खैले लगे बिसि ङए सैंर मैंरिमुँ; धै क्हिए योइ औदिबै केमैं खैले लगे बिसि ङ मैंरिमुँ।