Popular Bible Verses from उत्पत्ति 37

Share

तिगें योसेफइ म्होंड म्रोंइ। चइ च म्होंड आघेंमैंने सेमा चमैं झन चने बालु ल्हें ख्रे लबर होंइ

याकूब (इस्राएल) खेब् तबै त्हेर योसेफ फिबइले चइ अरू च्हमैं भन्दा योसेफलाइ ल्हें म्हाँया लमल। छतसि चइ योसेफए ल्हागिर छ्याँब बुट्टा झोंबै ह्रिंबै बखु टुमिंइ।

छले आबाइ अरू च्हमैं भन्दा चए फिर ल्हें म्हाँया लब् म्रोंसि चए आघेंमैं चने बालु ख्रे लबर होंइ। धै चने बालु छेनाले आपोंमल।

च लिउँइँ चइ धबै म्होंड म्रोंसि आघेंमैंने बिइ, “ङइ धबै म्होंड म्रोंइ। त्हिंयाँ, लयाँ नेरो च्युसे घ्रि मुसारमैंइ ङलाइ फ्योरिल।”

छतमा चए आघेंमैंइ चने ह्रिस लबर होंइ। दिलेया आबाइ बिस्याँ च ताँ सैं न्होंर्न थेंइ।

तलेबिस्याँ चइ चमैंने बिइ, “ङइ म्रोंबै म्होंड थेद् ओ। ङ्यो ताँन् म्रोंर गउँए प्हैं फैरिल। ङए प्हैं राइ, धै क्हेमैंए प्हैंमैंइ कारग्युले ङए प्हैं फ्योइ।”

झाइले ‘क्ह्‍योंर्बै खेदोमैंइ चलाइ चवान’ बिसि ङ्योइ आबाने बिले। धै चए म्होंडमैं तो तमना ङ्ह्‍योले।”

लिउँइँ छों लबै मिद्यानिथेंमैं च घ्याँउँइँले खमा योसेफए आघेंमैंइ चलाइ होंल्दोंउँइँले चैंपसि इश्माएलीमैंए योर चाँदिए मुइ ङ्हिस्युर चुँवाइ। छले चमैंइ योसेफ मिश्र बिबै ह्‍युलर बोइ।

चमैंइ खेंमैंए न्होंर बिइ, “च म्होंड म्रोंबै म्हि खसिन् मुँ। तारे चलाइ सैसि होंल्दों घ्रिर भ्योंवाले।

आघेंमैंइ ह्रेंगोउँइँले योसेफ खरिब् म्रोंसि च खेंमैं ङाँर फेखब् ओंसोंन् चलाइ सैबै मत लइ।

“चलाइ आसैले, बरु चुर तोइ आरेबै क्ल्ह्‍योर्बै चु होंल्दोंर भ्योंवाले। दिलेया चए फिर यो आझोंले।” चमैंए योउँइँले जोगेसि योसेफ ह्रोंसए आबा ङाँर कुल्मिंबै सैं मैंसि रूबेनइ छ बिल।