Popular Bible Verses from ສີງ ດສູງ 143

Share

ໂທ້ ເມີ່ຍ ອຈ໋າວ ເຢຍ ເອີຍ ເມີ່ຍ ເຍີຍ ເອີ໋ຍ, ເຫວີ່ຍ ຕສຸ ເມີ່ຍ ເຊ ເຢຍ ເຍີຍ ທິນ-ຮູ່ງ. ໂທ້ ປຸນ ເມີ່ຍ ຫລົງ ໄຫ່ ເຍີຍ ສີງ ລີ່ງ ຕໍ້ ເຢຍ ຢັ້ງ ແປ້ງ ເຍີຍ ເຈົ໊າ.

ໂທ້ ປຸນ ເຢຍ ລູ່ງ ດອມ ດສ໊ຽວ ຕຸ໊ ໄຮ໌ ເມີ່ຍ ຕສຽບ ຕສົ໊ວະ ຮນ້ຳ ເຢຍ ເຫວີ່ຍ ຕສຸ ເຢຍ ເຂົາ ເມີ່ຍ. ໂທ້ ເມີ່ຍ ປຸນ ເຢຍ ຮິ້ວ ຕຸ໊ ຫອບ ຢັ້ງ ເຍີຍ ເຈົ໊າ, ເຫວີ່ຍ ຕສຸ ເຢຍ ເຕົ໋າ ເກົ໋າ ເຍີຍ ຫວ່າ ຝາວ ເຖົາ ເມີ່ຍ.

ໂອ ຕສ໊ຽວ ອ່າ, ໂທ້ ເມີ່ຍ ໂອຈ໋ວ ເຢຍ ເປຢົ໋າ ດຸ໊ດ ເຢຍ ເຍີຍ ວິນ-ວັ້ງ. ເຢຍ ປີ໋ງ ຈ໊ຽນ ເມີ່ຍ ເຫວີ່ຍ ໂຕສ໋ວ ເຢຍ ດ້າວ ເຂົາ ເຍີຍ ຕ໋ອງ.

ໂອ ຕສ໊ຽວ ອ່າ, ໂທ້ ເຫວີ່ຍ ເມີ່ຍ ເຍີຍ ເມ່ງ ເປວ ເຢຍ ເຍີຍ ແໝ່ງ. ໂທ້ ຫລົ່ງ ເມີ່ຍ ແປ້ງ ຟິມ ເຍີຍ ຕສະເອີ໋ຍ ຕໍ້ ເຢຍ ຢຽມ ຂວນ ນ່ານ ທສວດ ຕ້າຍ.

ໂອ ຕສ໊ຽວ ອ່າ, ໂທ້ ໝວັງ ເຢຍ ເຕົ໋າ ເກົ໋າ, ໂທ້ ແປງ ມນ່ອມ ໝວັງ ເຢຍ ໂຈ້ວ ເຍີຍ ຫວ່າ. ເຫວີ່ຍ ຕສຸ ເມີ່ຍ ຕສຽບ ຕສົ໊ວະ ເຍີຍ, ແປ້ງ ຟິມ ເຍີຍ, ໂທ້ ເຕົາ ເຢຍ.

ໂອ ຕສ໊ຽວ ອ່າ, ໂທ້ ຊຽບໆ ເຍີຍ ເຕົາ ເຢຍ. ເຢຍ ເຍີຍ ໂຮຍ້ວ ໄມ້ ລ່ຳ ຮນ້ຳ ຕ໋ອງ. ໂທ້ ເມີ່ຍ ໄມ້ ຕູ໋ງ ປີ໋ງ ເມີ່ຍ ເຍີຍ ຮມຽນ, ໄມ້ ໝັ່ງ ເຢຍ, ເດສ໋ຍ ເຢຍ ໄຮ່ ຮນັ້ງ ມີ່ງ ຢຽມ ຢ້ຽມ ເກນ ວົ້ວ ເຕີ໋ຍ ມ່ຽນ.

ເຢຍ ຈັ໋ງ ເຖົາ ໂລ໌-ຮນອຍ, ເຢຍ ເຟີຍ-ຟັ້ງ ເມີ່ຍ ໂຕສ໋ວ ເຍີຍ ຢຽດ ຕສູ໊ງ ສີ່, ຢ່າ ຮນ້ຳ ເຖົາ ເມີ່ຍ ເຍີຍ ປົ໌ວ ໂຕສ໋ວ ເຍີຍ ກົງ.