Popular Bible Verses from ດສ່ຳ ເລີ໌ຍ-ຫລັດ 28

Share

ເຊ ກ໊ອງ ເມີ່ຍ ບົວ ໝວັງ ຫລົງ ຕສ໊ຽວ, ເມີ່ຍ ບົວ ເຍີຍ ທິນ-ຮູ່ງ ເຍີຍ ຫວ່າ, ຕສຽບ ຕສົ໊ວະ ເຍີຍ ເອີຍ ຈ໊ຽນ ເຢຍ ອີ້ ຮນອຍ ຈິວ ປຸນ ເມີ່ຍ ບົວ ເຍີຍ ຢຽດ ຕສູ໊ງ ຫລີ່ງ, ຕສ໊ຽວ, ເມີ່ຍ ບົວ ເຍີຍ ທິນ-ຮູ່ງ, ຕສ່ຽວ ປຸນ ເມີ່ຍ ບົວ ເກົ້າ ໂຮລ ເຈ໋ຍ ລູ່ງ ເດ໊ຍ ເຍີຍ ໝ່ານ ຝີງ.

ເຊ ກ໊ອງ ເມີ່ຍ ບົວ ໝວັງ ຕສ໊ຽວ, ເມີ່ຍ ບົວ ເຍີຍ ທິນ-ຮູ່ງ, ເຍີຍ ຫວ່າ, ເມີ່ຍ ບົວ ຕສ່ຽວ ຕຸ໊ ເດສ່ງ ນ້າຍ ເຕີ໋ຍ ຟຸ.

ເຊ ກ໊ອງ ເມີ່ຍ ບົວ ເອີຍ ຈ໊ຽນ ຕສ໊ຽວ, ເມີ່ຍ ບົວ ເຍີຍ ທິນ-ຮູ່ງ ເຍີຍ ເລີ໌ຍ-ຫລັດ, ຕົ້ງ ເຢຍ ອີ້ ຮນອຍ ຫັດ ເມີ່ຍ ບົວ ເຍີຍ ຫວ່າ, ເມີ່ຍ ບົວ ຕຸ໊ ໂຕສ໋ວ ໂຮລ ເຈ໋ຍ ໄມ້ ເຕສີ໌ຍ ໄຝ ເຈ໋ຍ. ເມີ່ຍ ບົວ ຢ່າ ໂຕສ໋ວ ຮລັງ ຈ໊ຽນ ຝາວ, ໄມ້ ເຕສີ໌ຍ ໄອ໊ ຈ໊ຽນ ເອຈ່ຍ.

ຕສ໊ຽວ ອ໋ອຍ ຄອຍ ອກອຍ ທິນ-ໂຟ້ວ ເຍີຍ ໂຂວ, ຕສິ໋ວ ທສຸນ-ທສຽວ ປຸນ ລູ່ງ ຕຸ້ຍ ບຢູ່ງ ເອຈ່ຍ ເມີ່ຍ ບົວ ເຍີຍ ເຕີ່ຍ-ປູງ, ຢ່າ ອ໋ອຍ ເຖສີຍ ຟຸ ເມີ່ຍ ບົວ ເຍີຍ ປົ໌ວ ໂຕສ໋ວ ເຍີຍ ຫຍູ່ງໆ ກົງ. ເມີ່ຍ ບົວ ຕສ່ຽວ ມ່າຍ ກ໊າ ປຸນ ທສ້ຳ-ຝີງ ມ່ຽນ, ມປ່າ ເມີ່ຍ ບົວ ໄມ້ ຕສຸ ເຖງ ຫາຍ ຝີງ ກ໊າ ຫາຍ ຫຍູ່ງ.

ຕ້າຍ ເບ໊າະ ເມີ່ຍ ບົວ ວົ້ວ ເຕີ໋ຍ ວິນ-ວັ້ງ, ຕສ໊ຽວ ອ໋ອຍ ປຸນ ຢຽມ ເມີ່ຍ ບົວ ເຍີຍ ດສະຮມຽນ ຕສຸ ເຊວີຍ. ນິ່ນ ບົວ ຢັ້ງ ຢຽດ ຕິ້ວ ເຈົ໊າ ຕ້າຍ ເບ໊າະ ເມີ່ຍ ບົວ, ມປ່າ ເປຢົ໋າ ທສວດ ເສ່ຍ ຕິ້ວ ເຈົ໊າ.

ຕສ໊ຽວ ອ໋ອຍ ເຖສີຍ ຟຸ ເມີ່ຍ ບົວ ໂຕສ໋ວ ເຍີຍ ຢຽດ ຕສູ໊ງ ສີ່, ຢ່າ ປຸນ ເມີ່ຍ ບົວ ເຍີຍ ລ໌ຳ ມ່າຍ ລ່າງ ຕສິ ປວັ໊ງ. ຢຽມ ຕສ໊ຽວ, ເມີ່ຍ ບົວ ເຍີຍ ທິນ-ຮູ່ງ, ຈິວ ປຸນ ເມີ່ຍ ບົວ ເຍີຍ ເຕີ່ຍ-ປູງ, ນິ່ນ ອ໋ອຍ ເຖສີຍ ຟຸ ປຸນ ເມີ່ຍ ບົວ.

ເມີ່ຍ ບົວ ທສວດ ຢ່າ ຕຸ໊ ຟຸ, ເປັຍ ຢ່າ ຕຸ໊ ໂຫລະ.

ຢຽມ ຕສີ້ງ ກະຍົ໌ວ ເມີ່ຍ ບົວ ອ໋ອຍ ຕຸ໊ ຟຸ, ຢຽມ ລີ່ງ ເຕີ່ຍ ຢ່າ ຕຸ໊ ຟຸ.

ຕສ໊ຽວ ອ໋ອຍ ເຖສີຍ ຟຸ ປຸນ ເມີ່ຍ ບົວ ຕຸ໊ ຝຸຈ໊ວຍ ທສ້ຳ, ປຸນ ເດົາ ທສວດ ແກງ-ຕສວັ໋ງ ຫລົງ, ປຸນ ແຊງ-ຄູ້ ຫຮຢາງ, ປຸນ ງົ່ງ ເຖສົາ ປະກີ ຢູ້ງ ເອຈ່ຍ ຕອນ ທສ້ຳ.

ເຊ ກ໊ອງ ເມີ່ຍ ບົວ ເອີຍ ຈ໊ຽນ ຕສ໊ຽວ, ເມີ່ຍ ບົວ ເຍີຍ ທິນ-ຮູ່ງ ເຍີຍ ຫລີ່ງ ຢ່າ ຢັ້ງ ນິ່ນ ເຍີຍ ໂຕ໌-ເລີ໌ຍ, ຕສ໊ຽວ ອ໋ອຍ ຕສິ໋ວ ນິ່ນ ເຖສົາ ເມີ່ຍ ບົວ ໂຮ້ວ ເຍີຍ ຫວ່າ ຫລຽບ ເມີ່ຍ ບົວ ໂຕສ໋ວ ນິ່ນ ກັ້ນ ເຍີຍ ທສີງ-ເດສ່ງ ແປະ ຝີງ.

ຕສ໊ຽວ ອ໋ອຍ ເຖສີຍ ຟຸ ເມີ່ຍ ບົວ ເຍີຍ ເຮມີ້ຍ-ດານ ເຖສົາ ເມີ່ຍ ບົວ ຫລົ່ງ ໂຕສ໋ວ ຫຍັ່ນ ໂຕສ໋ວ ຮົບ ເຍີຍ ຈາ-ຕ໋ອງ.

ເມີ່ຍ ບົວ ຢຽມ ຕສ໊ຽວ ໂຮ້ວ ປຸນ ເມີ່ຍ ບົວ ເຍີຍ ອົງ-ຖາຍ ອ໋ອຍ ປຸນ ເມີ່ຍ ບົວ ເຍີຍ ເຕີ່ຍ-ປູງ, ຕສ໊ຽວ ອ໋ອຍ ປຸນ ເມີ່ຍ ບົວ ປູ໋ງ-ຕສົວະ, ປຸນ ເມີ່ຍ ບົວ ຕຸ໊ ຝຸຈ໊ວຍ ທສ້ຳ, ປຸນ ແຊງ-ຄູ້ ຫຮຢາງ, ຢ່າ ປຸນ ເມີ່ຍ ບົວ ເຍີຍ ເດົາ ທສວດ ແກງ-ຕສວັ໋ງ ຫລົງ.

ລູ່ງ ເດ໊ຍ ໝ່ານ ຝີງ ມ່ຽນ ປວັດ ເມີ່ຍ ບົວ ເປ໋ນ ຕສ໊ຽວ ເຍີຍ ແປະ ຝີງ, ນິ່ນ ບົວ ຕສ່ຽວ ກ້ຳ ເດສ໋ຍ ເມີ່ຍ ບົວ.

ໄມ້ ຕູ໋ງ ແຫງ່ງ ເຢຍ ອີ້ ຮນອຍ ຫັດ ເມີ່ຍ ບົວ ເຍີຍ ຫາຍ ໂຈ໋ວ ຫວ່າ, ໄມ້ ຕູ໋ງ ປົວະ ຕສັ່ງ ກັ້ນ ເຕົ້າ ຕສ້ຽນ.

ມປ່າ ເຊ ກ໊ອງ ເມີ່ຍ ບົວ ໄມ້ ໝວັງ ຕສ໊ຽວ, ເມີ່ຍ ບົວ ເຍີຍ ທິນ-ຮູ່ງ, ເຍີຍ ຫວ່າ, ໄມ້ ຕສຽບ ຕສົ໊ວະ ເຍີຍ ເອີຍ ຈ໊ຽນ ເຢຍ ອີ້ ຮນອຍ ຈິວ ປຸນ ເມີ່ຍ ບົວ ເຍີຍ ຢຽດ ຕສູ໊ງ ຫລີ່ງ ເຖສົາ ເລີ໌ຍ-ຫລັດ, ເມີ່ຍ ບົວ ຕສ່ຽວ ຕສຸ ນ້າຍ ເຕີ໋ຍ ຢຽດ ຕສູ໊ງ ຕສ໋ຽວ ເຍີຍ ຫວ່າ ເຍີຍ ເຕສະ ໜ່ານ.