Popular Bible Verses from Spricha 11

Share

De säajende Seel woat sea saut, un de Drenkjende woat uk selfst jedrenkjt.

Doa es eena, dee utstreet, un hee kjricht noch mea; un eena, dee mea spoat aus rajcht es, un daut es blooss toom Mangel.

Kjemt Äwamoot, soo kjemt uk Schaund; oba bie de Bescheidne es Weisheit.

Woa kjennen Leida (Väanämen, Äwalajende) sent, vefelt een Volkj; oba Heil es bie de Menj de Rotjäwa.

De Frucht vom Jerajchten es een Läwensboom, un de Weisa jewent Seelen.

Wäa aus Pludara omhäajeit, dakjt daut Jeheemnis op; wäa oba truen Jeistes es, dakjt de Sach too.

Sich selfst deit de Milddoonenda goot, oba de Onboarmhoatja deit sienem Fleesch wee.

Wäa opp sien Rikjtum vetrut, dee woat faulen; oba de Jerajchte woaren utloten aus Loof (Jreens).

Vemäajen nuzt nich aum Oajadach, oba Jerajchtichkjeit rad vom Doot.

De Onstroflichkjeit de Opprechtje leit an, oba de truloose Faulschheit vedoaft an.

Een goldna Rinkj enne Näs von eenem Schwien, soo es eene scheene Fru onen Aunstaunt.

Faulsche (Bedrach) Wichtschol sent däm Harn een Groll, oba vollet Jewicht es sien Wooljefaulen.