Popular Bible Verses from 4. Mose 14

Share

Blooss siet nich wadaspanstich jäajen Gott (Jahwe); un habt nich Angst fa daut Laundesvolkj, dan ons Broot woaren see sennen. Äa Schauten es von an jegonen, un de Har es met ons; habt nich Angst fa an!

De Har es langsom toom Oaja un groot aun Jnod, Misdot un Äwaträdunk vezeit, - oba en kjeenem Faul helt hee däm Schuldjen schultloos - dee de Misdot de Vodasch stroft aun de Kjinja aum dredden un aum vieeden Jlett.

Wan de Har aun ons Jefaulen haft, soo woat hee ons en dit Launt brinjen un ons daut jäwen, een Launt, daut von Malkj un Honnich rand.

Oba mien Kjnajcht Kaleb, wiels een aundra Jeist en am jewast un hee mie gaunz nojefolcht es, am woa ekj en daut Launt brinjen, en däm hee jekomen es; un sien Somen saul daut ennämen.

Saj to an: Soo woa ekj läw, sajcht de Har, wan ekj junt nich soo doonen woa, aus jie ver miene Uaren jerät ha!

Un de Har räd too Moses: Woo lang well dit Volkj mie veachten, un woo lang wellen see mie nich jleewen bie aul de Tieekjen, dee ekj en äare Medd jedonen ha?

Un aule Kjinja Israel grunsten jäajen Moses un Aaron, un de gaunze Jemeent säd to an: Ach, wia wie doch em Ägiptenlaunt jestorwen, ooda wia wie doch en dise Wieste jestorwen!

Un Josua, de Sän Nuns, un Kaleb, de Sän Jefunnes, von dän, dee daut Launt jeseenen hauden, vereeten äare Kjleeda, un see räden to de gaunze Jemeent de Kjinja Israel un säden: Daut Launt, daut wie derch jegonen sent, om daut auntoseenen, daut Launt es sea, sea goot.

Oba doch, soo woa ekj läw, saul von de Harlichkjeit Gottes de gaunze Ieed erfelt woaren; dan aul de Mana, dee miene Harlichkjeit un miene Tieekjen jeseenen ha, dee ekj en Ägipten un enne Wieste jedonen ha, un mie nu 10-mol jeprooft un nich opp miene Stemm jehieet ha - wan see daut Launt seenen woaren, daut ekj äare Vodasch jeschwuaren ha! Jo, aula, dee mie veacht ha, sellen daut nich seenen.