Popular Bible Verses from Liera 7

Share

Sie nich schwind en dienem Jeist toom Oaja, dan de Oaja rut em Bossem de Noaren.

Aum jlekjlichen Dach sie gooda Dinj; oba aum Ojjlekjsdach bedenkj: Uk dise aus jane haft Gott jemoakt, doamet de Mensch nich utfinjt, waut no am passieren woat.

Bäta daut Enj von eene Sach aus äa Aunfank; bäta de Langmootja aus de Huachmootja.

Dan unjre Menschen es kjeen Jerajchta oppe Ieed, dee Goodet deit un nich sindicht.

Dan em Schauten (Schutz) es, wäa Weisheit haft, em Schauten (Schutz), wäa Jelt haft; oba daut Väadeel de Erkjantnis es disa, daut de Weisheit äarem Ieejendeema Läwen jeft.

Bäta een gooda Nomen aus Saulweelj, un de Doodesdach aus de Dach, doa eena jebuaren woat.

Bäta, daut Schellen de Weise to hieren, aus daut eena däm Jesank de Noaren hieet.

Bäta, en daut Truahus too gonen, aus en daut Fasthus too gonen, en däm jant daut Enj aula Menschen es; un de Läwendja nemt daut to Hoaten.

Daut Hoat de Weise es em Truahus, un daut Hoat de Noaren em Hus de Freid.