Popular Bible Verses from Liera 1

Share

Dan bie väl Weisheit es väl Oaja: Un wäa Erkjantnis vemieet, vemieet Weedoag.

Daut, waut jewast, es daut, waut sennen woat; un daut, waut passieet, es daut, waut passieren woat. Un daut es goa nuscht Nieet unja de Sonn.

Aule Dinj mieejen sikj auf: Kjeena kaun daut utsaje; daut Uag woat vom seenen nich saut, un daut Ua nich voll vom Hieren.

Eitelkjeit (een ladjet Ekj) de Eitelkjeite! Sajcht de Liera; Eitelkjeit de Eitelkjeite! Aules es Eitelkjeit. Wautverrem Jewenst haft de Mensch bie aul siene Mieej, met waut hee sikj bemieecht unja de Sonn?

Ekj ha aul de Doten jeseenen, dee unjre Sonn passieren; un kjikj, aules es Eitelkjeit un een Utholen nom Wint.

Een Jeschlajcht jeit, un een Jeschlajcht kjemt; oba de Ieed besteit eewich.

Doa es kjeen Aundenkjen aun dee eenst wieren; un fa de Nokomende, dee sennen woaren, fa an woat daut uk kjeen Aundenkjen bie dän jäwen, dee nohäa sennen woaren.

un ekj ha mien Hoat doaropp jerecht, Weisheit too erkjanen, un Onsenn un Noaheit too erkjanen: Ekj ha erkjant, daut uk daut een Utholen no Wint es.