Popular Bible Verses from Santiago 2

Share

Ene vika'e viti vikasiñawana me Viya: te wa'i vícha'ini eta táurikeneana, te wa'i vímereka'ini eta vichakeneana'i tamapurujichucha vikasiñawaira'i, waipa tásuapakare'ini.

Eta juka takuti'i eta viáke'e te tajunijika eta viáchanewa, enewanerine'i tésamirikawa eta viáke'e, tépenawaneyare'i, ene taka'e'i eta visiñawaira me Viya, eta taka'e eta te wa'i vikuimereka eta vichira eta taurikeneana.

Nuparapenaveana, ¿tajina taichakenena eta waka'e'ini viti vikasiñawa me Viya, étasera eta vitaresira wa'i vimereka'ini eta vichakeneana'i? ¿Tarata'apuka katiucha'avi eta vikasiñawaira'i?

Piti pisuapa'i eta émanairaichu'i ema Viya, tiuri'i eta picha, apanasika ena éreanana nasuapa'iware eta matiari'ira'i ema Viya, tiyayakareana'i eta napisira.

Áninapapuka eka'eyare: “Piti yátupi eta pikasiñawaira'i me Viya, nutisera nimereka'i eta nichira eta taurikeneana. Pimechanu eta pikasiñawaira'i me Viya, tajinasera picha'ini eta taurikeneana, nutisera nimechaviyare eta nukasiñawaira me Viya, étapa eta nichira eta taurikeneana.”

Taicha nákani majapanuraira'ana'i naye'e nákani apamuriana, tájinaware najapanukarewaima'i te nakayasesere'ipa. Nákanisera tijapanura'iana'i, ichape eta najakapakarewanaya me Viya te jena sácheyare.

Ákaikutiara yátupina eta juka, viti achaneana vijakapakare me Viya táichavene eta vímeresira eta visuapira'i, wa'i tarata'a eta vika'eira, nuti nukasiñawa me Viya.

Étara íkutiaraya eta juka yatupira'i makasiñawaira'i me Viya ema Abraham, wa'i máeñama'ini ema machicha eta mawaraira'i máimerekayare eta makasiñawaira'i me Viya.