Popular Bible Verses from Santiago 1

Share

Nuparapenaveana nemunaruana, eti nuwara'a nechejirika'eya, te tatiari'inapuka eta ekatajiwairana puiti juka ítaresira'i, wa'i ekukainajiruwa, ekaurisamurechawachucha, ewapinawaya, taicha iúripanayare eta iúchukuirayare. Taicha échaipa eta ekasiñawaira me Viya titsamareka'eyare'i eta erata'ayarepuka eta iatajiwana, eta juka eta timikataka'eya'ere eta ekamichirayare eta iatajiwana apaesa etumechawa.

Taka'e, te tatiari'inapuka eta téchakare, te wá'ipuka íturuekene'a'ini, eyaseakayare ema Viya eta ítupajijiasirawaina, ema Viya tíjaraka'eyare, taicha ema tájina mayawanakenena, wá'isera tikajacha'avima'i eta viyaseasirana jákani vikamunukeneana.

Eta taka'e, eti némunarukeneana nuparapenaveana, nutuparaka'echa yátupina tauri eta esamiraina eta máechejiriruwana ema Viya. Wa'i ekuijaja'úchawa esema, epanerechinawa eta échejisiraya.

Taka'e ekamesawayare étumechawachucha apaesa tatupiru eta itaresira, etainapa timikataka'eyare, apaesa wa'i ekuechuriaka eta esuapajiraiwaina.

Ítauchayare eta tametarapiana'i eta máechajiriruwana ema Viya, wa'i takuejekapawa eta epanereruana, machu ímijachapuka tarataichu'i eta esamararasira'i taicha te taka'e eta juka vitijiwainapa viwayuakawa.

Tétavikawa eta náuriwayare nákani vichamuriana tikamichana'i tamutu eta nátajiwana'i, járajapayare eta sacheanayare eta najakapiraya eta naikuchi'i táitsiwayare'i maicha ema Viya, máijarakainapa eta táuriwayare eta náitaresirayare, taicha tikunachakareana'i, taicha maitauchayare'i eta mapanereru'i ema Viya naye'e ena témunakana'i ema.

tamutu eta juka vima'akeneana'i taurikeneana'i, tamutu tiasi'a'i te anuke'e anuma, ema Viya tepiyaka'i eta tiavi'ana te anuma. Ema Viya émaparasaichu'i: eta maye'e tajina titsiwachawaima'i tamutu'i tikaechera taicha eta majaraiwa.

Wa'i ekukuti nákani nasamarararuchucha, tási'a wa'i náitaucha'ini eta tawanairipi'i, tímikutijirikawaipa nákani tímakunachawana'i te espejo: ema timakunachawa'i, maima'a'i eta mamira tási'asera te tekerukawapa maemitisikaipawa eta maima'i'i.

Vítisera, eta vítauchira'i eta yátupikene té'ikakare, te viwara'a tájina véchejisiakarewaina te mamira'u ema Tata Vikaiyakene: tatuparaka'i vijapanuyare vítatiyare ena amaperuana wáchachichana énapa ena náepenaimakeneana taye'e eta nakamunuirawana'i, tituparaka'avi'iware wa'i víchaima'i eta pekatuana te juka apake'e.

Té'eware tatiari'inapuka eta éjekapirawaya jákani tamaurikeneana'i, wa'i émaima'i émeteaka ema Viya, taicha wa'i tási'akenena me Viya eta juka tájiparakana, nájinaware mapamiruina'i náicha'ini eta júkana tamaurikeneana. Nákanisera nákipairuwana taye'e eta tamaurikeneana, táuchurepa te napanereru tamaurikeneana, tási'a nawara'a náichayare'i eta pekatuana, waipa nanekapawa'ini eta náichiraipa, té'esera te táekenenapa, étapa tiviuchayare'i.

Émaipa mákani vichamuri, te páure'ipuka eta máitaresira'i, tiwapinawayaresera taicha eta máimikatasiraipa ema Viya taicha eta máemunasira'i.