Popular Bible Verses from Efesios 4

Share

Táitsiwa étaviuchayare eta iúriwayare naye'e nákani apamuriana, ejapanura'iyare. Te tatiari'ipuka eta náejekapirawa, ejapanukakayare, taicha ene maka'e'i ema Viya eta majapanuira'e'i máichavene'i ema Cristo.

Yátupina eta emansuwaina, étapa eta émunaraiwaina, ekamichayare tamutu, ímikatakaka eta émunasirakakaina eta etijikakairaina.

Wá'isera ekunakajakachawa eta tájiparakana echéjirirukawana tamaurikeneana. Tátupiruwa eta échejirisirawaina, apaesa étaina eyuchusi'a eta nasuapiraina nákani tisama'eanayare, eta tétupirikayare eta nasamureana ena.

Wáipa ekunaka eta semanereana, waipaware ekatianara'ima'i, wáipaware ekusemarairi'i, wá'iware ekuijajachawa ekapiarakawa, wa'i ekuichanareka. Ínajikaya eti tamutu eta júkana tamaurikeneana.

Te tatiari'ipuka eta táimiyusemaka'e, ejaneakawaicha machu ekapekatura; te esemapuka, wa'i takunasi eye'e. Énewanena ajapanu. Ekaunewayare, machu máituruka'e ema wínaraji, táichavenena'i eta esemanewa'i.

Tási'a puiti, waipa ekuesacha echáwaucha eta ítaresiraini'i akane echipejirikawa'i taicha tiwayuaka'e eta ejamurachira'i eta tamaurikeneana. Puiti eti, ísapaya ema Machanewa Viya máwa'aka'e, máitsiwachirayare eta epanereruana étapa eta ejamurachirana te iáchanewana, Tási'a, apanainapa eta ítaresiraya. Yátupi eta ekake'eraina ema Viya, ákutini ema eta máuriwa'i.

Ámetachucha icha eta iúrujisirawaina wa'i ekuinajikawa, apaesa wa'i ekukamitiaka eta ejakapira'i ema Machanewa Viya.

Maichuware tinaka'i ena apústuleana'i ena apamuriana Profetana'iware, tási'a ena apamuriana kametarairura'iana eta maechejiriruwa ema Viya, ena apamuriana Maíjarakapa eta najaneasiraya ena machanerana, ena apamuriana Maíjarakapa eta naitusirayare eta naimituresirayare. Taicha ema, mawara'a'i máetupirikayare'i tamutu te etaraku eti machanerana, mawara'a'iware vitiari'iyare viti vítatijirika'eyare eti vichamuriana, vikajurusira'eyare'i eta é'isira'i ema apaesa yátupina wákuti wámutu eta máuriwa'i ema Machicha ema Viya; táitekapawanewareni eta sache eta viúrujisirawaya, tájinapa ta'apapika'avima'i eta vé'isira'i; vítamuturukaripa'ini tamutu eta vítukakeneana'i tási'akeneana'i me Cristo. Wákutipaini ema tamutu eta máitupajijiasirawa'i.

Mawara'a'iware vimutuyare vímatiekene'a, waipa wákutima'i ena amuyana, témunanasirikawanaicha'a ena, tísapajirikawanaicha'a nawayuaka taye'e eta apana náimiturapiana ena títuruekene'ana tiwayuarekana, napamisirawaka'i namutu náe'ika eta tamaurikeneana. Eta taka'e, vétumechawayare eta vé'isira'i eta máimiturapiana yátupikeneana, yátupinaware eta vémunaraiwa'i, vikajuruakayare'iware eta viúriwa, vikutiyare ema Viákenu Jesucristo, taicha éma'i ema técha'avi'i.