Popular Bible Verses from Ɓi Rom 12

Share

Kinaat taambiɗ ɓi adinaanii po ɗu mand na ɓa, faɗaat Kooh a on ɗu liiɓohaaɗ as ne wa ɓoƴsoh ɗu, ɗu min inhisoh waaɗ-waaɗiŋ ɗe. Waaɗ-waaɗiŋ ɗe weɗ baah, wa neɓpa ɗe te wa mitta.

Kon nak, ɗu ɓi ɓaah ciŋ ngo, ŋ yirmi Kooh yirim ɗu weem, mi yii ñaah ɗu, ɗu eɗ ɗe haf ɗu jen, ɗu nik findi seeƴkuuɗi na pese, wi hool wuu ce te a neɓuusa nga. Jaar wa nik ñaamki ɗu joy ɗe ñaamuk keeh-keeh.

Ŋ ini kaɗ ŋ ooluk in ci na haye, sumaat. Ŋ ini kaɗ ŋ miskiɗ ci, muñaat. Ŋ ini kaɗ ŋ kiim Kooh, genaat gen nga.

Baahaaɗi kinaat ɗa min, minaa wa na baahiɗ.

Ŋ ini kaɗ ŋ waaɗoh, waaɗtiɗohaat findi ɓooɓi ɓaah yaay na baab. Ŋ ini kaɗ ŋ eɗoh cir, yaa nu nga ɗah uupsiɗkohaat eɗ cir morom ce.

Waaɗohiŋ ɗu nikaat keeh. Sepeƴnukaat baahaaɗi, te ɗu ŋoɗ ngaŋ baahiɗ.

Wa min nik ɗah, pesaat ŋ jam na ɓooɓi jen, po ɗiska min-miniŋ ɗu top.

Ɓaah ciŋ ngo ŋ keeñkoh, kinaat wirndukiɗ haf ɗu, faɗaat ayrukiŋ Kooh, wa tum ini wa joy tum. Fiis ci Hooliɗ ci woyiɗ ne Heɗi woo ne : « Ñam raak wirndiɗkoh, ñam na hee wirnduke tumohaaɗ ci moɗaaɗiici ! »

Ŋ ini kaɗ ŋ sawar, ali ɓo' kinaat tiriɓ. Ŋ ini kaɗ ŋ Fuuɗsi Hoolohngaani, yaa nu nga ɗah yoondɗukaat. Ŋ ini kaɗ ŋ Heɗi, ñaamkaat ɗe.

Ŋ ini ŋ baahohu, mi na woyee ɗu ne ali ɓo' nga ɗu kinaat deg haf ce ŋ ɗiski a reeɗi, waaye topɗaat haf ɗu ŋ ɗiski ɗu top, wa hend na kosi Kooh waɗ ɓo' nu nga ɗah.

Kinaat tum miskiɗ yi tum ɗu miskiɗ. Liiɓaat ŋ tum in baahiɗ, ini ɓooɓi jen min teyɗuk.

Kerhiɗohaat ŋ harmban ɗu. Kinaat waak in yakak, waaye keeñ ciŋ ɗu hiiraat ɗu ŋ ɓooɓi heefuuɗ ci. Kinaat amb ŋ haf ɗu ne ɗu inhiɗ in nu in.

Waaye ɓoo nak, Fiis ci nam woo ne : « Yi sang ɗa aɗuk ɗah, eɗaa ɗe a ñam ; a sifaɗuk ɗah, eɗaa ɗe a an. Fu tum ineem ɗah, fu na ɓekee ɗe kaci. »

Kiimɗaat barke ɓi na tolfiɗee ɗu, barke'ɗaat te kinaat kiimiɗ ɓo' a alku. Hunaat ɗu sum na sumiɗ ci, fuɗaat na fuɗoh ci.

Ŋ ini kaɗ ŋ etoh ciŋ ɓo'-Kooh ci, ɓaatɗohaat ɓa nga ca. Ŋ ini kaɗ ŋ daliɗ hanhe, ndengɗukaat nga.

Laam findi faan nikoh yino, wa raakka cir laayiɗ te ca jen ca ɓaahɗi ini ca na haɓɗe, wa mand ɗaa nga ɓoo, ali ɓoo laayoh na, ɓoo faan yino ŋ niki ɓoo nik ŋ Kiristaani te ɓoo jen ambsukohha nikka cir ci.